TVB隐形富豪千字文弘扬菩萨！认真许愿有不可思议事件：真系解释唔到
2024-03-04 17:30 
44岁林盛斌（Bob）是出名瓣数多多，多年来身兼主持、演员、娱乐公司老板兼网店平台老板，而且还是最强KOL，试过PO表示买了一个有「管理有酒店级水准」的骨灰龛位，但他直言并非卖广告，只不过是「为自己同埋屋企人未雨绸缪」。日前林盛斌又再出PO多谢菩萨！
相关阅读：Bob林盛斌再「置业」！曝光骨灰龛位金光闪闪门面 赞有酒店级水准价值六位数
林盛斌出PO多谢菩萨？
林盛斌曾因签证问题美国巡回险告吹
近期林盛斌为《The Bobfather》举行巡回演会，上月初分别在三藩市和洛杉矶站演出，不过出发前曾因签证问题险些要取消演出，幸好最后顺利赶及在演出前出发，林盛斌曾表示「多谢美国领事馆嘅所有同事尽力协助」，还说：「感谢所有曾经喺呢件事帮过手嘅人同埋菩萨，包括观音娘娘、千手观音、狐仙娘娘、绿度母、财宝天王、龙母妈妈、坤平将军、土地公公、林家历代祖先、班彩石、水晶石、铜牛等等。冇错，求过人，求过神，求过宇宙力量，乜都齐晒。」
林盛斌在社交平台撰长文弘扬菩萨
昨日林盛斌在社交平台撰长文，分享今次去美国做talk show前签证嘅过程系有几咁荆棘满途：「一直以嚟我都有拜神，唔同嘅菩萨都有，我屋企亦有个小小嘅神坛，放咗好几个神像，每日都会去装炷香，多谢上天、菩萨同祖先保佑，希望一家平安，工作顺利，身体健康嗰啲，印象之中从来冇为个别事件特别好认真去许愿求愿。喺我知道个签证出现危机，几迷惘同埋几旁徨之际，我去咗我朋友开嗰个私人佛堂度，诚心许愿求愿，其实我都唔知道就算真系上去有冇乜嘢作用，但系嗰阵冇理咁多，因为都已经冇乜嘢可以做到，只要有机会令到件事嘅成功率增加1%，我都系会毫不犹豫地去做。」
林盛斌一家住四层独立屋：
佛堂完成仪式发生了不可思议事
结果在佛堂做完所有仪式后，发生了不可思议的事情，林盛斌说：「隔咗冇耐，我经理人就收到电话，话个Passport攞得啦，我哋真系可以上到飞机去美国做show啦，最后喺伤害性同影响性最低嘅情况底下，只系三藩市站延后几日，洛杉矶站可以如常举行。我都讲过，我可以如期做到三藩市站同埋洛杉矶站，其实机会系非常非常非常微，好大机会两个show都要取消，最起码都要延期去到八月九月先至可以做到，因为如果真系大延期，主办单位就会有好大嘅损失，买咗飞嘅观众亦都会相当失望，而我嘅声誉亦可能会受到好大嘅影响。」
林盛斌相信有微妙关系和影响
林盛斌续说：「我承认我由细到大，都系有少少迷信嘅，风水命理同求神问卜嗰啲，间唔中都有做嘅，但系一定唔系好沉迷同好神婆嗰只，我仍然坚信，若要如何，绝对系全凭自己嘅，虽然我唔知签证成功同许愿呢两件事有冇任何嘅牵连，但系我相信点都一定系有啲微妙嘅关系同影响，所以呢单野，确实系有啲难以置信，我只系想话俾大家知，有啲事情，又真系系解释唔到，都系神奇嘅。」最后林盛斌称因为答允了菩萨会一件事，所以出po弘扬：「如果诚心祈求，而你件事又系正正经经，正正常常，唔系啲唔好意图、古灵精怪或者非法违法嘅坏事，菩萨系可能会尝试搵方法去协助你，帮助你，
而你事后一定要做返一啲好事善事，帮助返其他有需要嘅人，回馈社会。无论如何，多谢所有喺呢件事上面帮助过我嘅人，亦都多谢保佑我嘅祖先同埋菩萨，感恩感恩。」
其他文章：
林盛斌发声明谴责骗徒冒认教投资 网民错重点：原来Bob哥咁有钱
林盛斌16岁大女竟撞样华姐冠军！眼大大五官标致 爸爸担心女儿拍拖遭泼冷水
Bob林盛斌6岁细仔竟是篮球神童！独立屋巨型花园展球技 大到泊几架车
----------------------------------
紧贴最新最快新闻资讯，请立即下载星岛头条App：https://bit.ly/3Q29Vow
最新回应