55岁伍咏薇被勒令增磅惨呻：真系食极唔肥 蔡一杰一句激励𢱑捞成功签英皇丨独家

入行35年，55岁伍咏薇坦认演出机会买少见少，主动搵大树遮荫，最近宣布加盟英皇娱乐，未来继续拍戏之馀，爱分享的她自觉最啱做真人骚，所以作出呼吁。目前为配合公司要求努力增磅，可惜紧张性格加体质，令她「食极唔肥」，呢四只字应该激嬲唔少中女。采访：杜杜 摄影：钱文坤 发型:Debby Kwan@iHair 化妆:Henry Li 服装:@aliceandolivia_hongkong、@ecco 场地:Greenhouse Times Square by Gaia Group

伍姑娘认为爱分享性格，很适合参与真人骚演出。

伍姑娘认为爱分享性格，很适合参与真人骚演出。

伍姑娘认为爱分享性格，很适合参与真人骚演出。

伍姑娘认为爱分享性格，很适合参与真人骚演出。

自2021年约满邵氏后，伍姑娘再签英皇，「不论内地或香港巿场都僧多粥少，演员多工作少，竞争大咗，唔可以单打独斗，我考虑咗好耐，系咪需要签间公司？正所谓大树好遮荫。」闺密蔡一杰的意见令佢「叮一声」，「佢话『老伍你仲系咁好状态，做戏个样仲得，又唱歌、主持咁多瓣，会唔会有间公司帮一帮会好啲？』我话『其实都谂过』。」

伍姑娘签英皇后，感激老板杨受成博士主动接见。

伍姑娘形容杰仔是生命中不能缺少的人，多谢对方百忙中亦关心她。

拍戏好开心冇入错行

因为蔡一杰一句，「英皇都几啱你，试吓之嘛又唔使死」，伍姑娘就主动搵英皇倾，「同英皇倾咗两三次，好庆幸佢哋仲觉得我有商业价值，有好多可能性，我谂睇中我呢个年龄层嘅女演员唔系咁多，观众见我少咗，对上一次已经系《金宵大厦2》，都觉得我演技大进步。」老公和家人亦支持她的决定，「屋企人唔反对，最紧要我做得开心，而老练最开心见我每次演戏返嚟，系咁讲演咗啲咩，演多次畀佢睇，证明我好enjoy工作。」讲笑话自己已94岁，一把年纪的她好快乐，「有啲人返屋企会呻，我冇乜嘢呻，证明我冇乜仇家，过程愉快工作开心，我系带住份开心返屋企，证明冇入错行。」

伍姑娘视老公练海棠为最好朋友，签公司当然跟对方商量。

伍姑娘跟两个哥哥感情好，会互相支持。

爱分享私事啱真人骚

之前冇工开伍姑娘不断增值自己，储埋不少「弹药」，「我睇好多戏、好多书，锺意搭公车，会好无聊坐喺度睇好多人点郁点走。」她认为近年盛行的真人骚好啱佢做，「我真人啲嘢都好open，好容易分享畀你哋听，冇包袱肯讲自己嘢，我好锺意做专访同记者倾偈，好似好耐冇见嘅朋友会鸡啄唔断。」

伍姑娘睇完黄绮琳送的书及电影《填词捻》，研究埋填词。

伍姑娘早前跟公司同事齐出席导演会春茗。

2022年，伍姑娘快减9磅演《金宵2》操控狂阿妈「芬姐」。

拍完《金宵2》肥唔返

签约后，英皇唯一要求伍姑娘增磅，原来2022年为《金宵2》演操控狂阿妈「芬姐」，快减9磅后肥唔返。5尺5寸高的她，多年来一直维持103至106磅，「个个都惊我生cancer死，睇医生系happy problem嚟，根本系食极都唔吸收，检查过真系冇事。」她认为体质外，自我要求高容易有压力，亦是唔长肉主因，她试过在内地拍古装时做测试，「睇住自己上磅，收工可以冇咗2kg（约4磅），我就系体态咁完美嘅女人，真系吹我唔胀，我系易精神紧张，畀咁大压力自己嘅人，通常都唔肥得去边，唔长肉。」中医建议她食白饭增磅，一样唔成功，「食咗饭大半年都系咁嘅磅数，心态同状态好紧要，我系强迫症嗰啲人嚟，咁瘦都系冇原因，但唔担心。」她发现长肉最有效方法是旅行，2月生日去了日本即见效，「最好个个月去一次，我系咪应该转行做导游？！」

伍姑娘身形多年不变，签公司后被勒令增肥。

伍姑娘近期已放任大食，但始终食极唔肥。

伍姑娘今年2月到日本旅行兼庆祝生日。

《星岛申诉王》推出全新项目「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰https://bit.ly/3uJ3yyF

 

想睇更多精彩内容，请立即浏览「区区有申诉」活动专页，https://bit.ly/41hgS9E

 

《星岛头条》新网站有更多精彩内容：http://www.stheadline.com/