张松枝常被15岁囝囝取笑：又做茄喱啡 唔介意《九龙城寨》戏份被删参与已开心丨独家

张松枝有份演出的电影《九龙城寨之围城》和《查无此人》同时上映，虽然戏份都不算多，但有份参与已很开心。55岁松枝有个15岁已有180cm高的囝囝，相处如朋友，亲子活动是由囝囝提供自制试卷考他，又会经常取笑老窦：「又做茄喱啡！」，父子关系好Funny。采访：杜杜

松枝拍戏唔强求戏份多少，「喺小型作品做过好多次主角，参与到《九龙城寨》已经好开心。」

2024年只过了半年，张松枝已有4套作品推出，包括早前上映的《盗月者》和《临时劫案》，虽然每套戏份不多，但他已相当满足，「做咗咁耐识得多人，帮吓手都好开心。」《九龙城寨》成绩骄人，截稿前港澳票房突破8000万港元，有3场戏被cut剩1场的松枝与有荣焉，更开心首度跟洪金宝合作，「有场同警察部一班外籍上司开会，佢哋向我施压要收返城寨，另一场就系请『龙卷风』（古天乐）去差馆倾，有啲敏感cut咗，但有机会同洪金宝大哥合作，都算留咗喺自己纪录裹面。」另外，接《查》戏更为帮后辈，「帮到几多得几多，冇新人我之后都冇得做，净系一班老鬼，观众会睇到闷！」

松枝在《临时劫案》演劫匪「白头兰」。

松枝跟郭富城由电视合作到电影，开工似聚旧话当年。

松枝在《查无此人》饰演诈骗集团大老板。

囝囝冇兴趣做演员

松枝一家都很锺意《九龙城寨》，连平日睇开超级英雄片的囝囝，都派任务给他，「佢叫我攞海报畀晒演员签名，交咗功课啦！」松枝笑言读中三的囝囝有铺瘾，就是喜欢自制试卷畀老窦做，「全部科佢做定晒喺电脑，见我得闲就畀我做，我唔识佢会同我上堂，用白板同我讲解，佢要话畀我知，读书几惨、几辛苦。」他透露囝囝外形不俗，但完全冇兴趣做幕前，「可能我同太太都几高，所以佢唔太锺意运动，都高过我有180cm，个样都似我，佢唔睇电视，电影都系我捉佢去睇，想读经济。」他跟囝囝似朋友相处，所以经常被寸，「佢乜都同我讲，仲会成日笑我『套套戏都咁，出一出咋！又做茄喱啡！』。」

松枝知道《九龙城寨》再拍两集，希望有份拍摄。

松枝出席《九龙城寨》谢票，趁机为囝囝攞签名。

松枝透露囝囝外形不俗，但完全冇兴趣做幕前。

《星岛申诉王》推出全新项目「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰https://bit.ly/3uJ3yyF

 

想睇更多精彩内容，请立即浏览「区区有申诉」活动专页，https://bit.ly/41hgS9E

 

《星岛头条》新网站有更多精彩内容：http://www.stheadline.com/