颜国梁逝世丨梁思浩含泪忆颜国梁！难忘故友与妻私下恩爱一幕：到呢刻都唔会忘记
2024-05-28 17:30 
曾于TVB经典处境剧《香港81》饰演「陈积」的颜国梁在周日（26日）离世，享年71岁。颜国梁曾于上月底与太太霍洁贞为TVB Plus节目《直播灵接触》担任嘉宾，可惜不足一个月传来噩耗。在昨晚（27日）播出的《直播灵接触》上，在节目开始时梁思浩一度眼泛泪光地说：「好记得佢两个喺化妆间嗰种恩爱，我到呢刻都唔会忘记。」
相关阅读：颜国梁逝世丨梁思浩公开颜国梁最后访问窝心细节 要求拍靓前艺人太太留美好回忆
梁思浩忆故友一度眼泛泪光：
在昨晚节目开始前，梁思浩与黄紫恩（Jojo）及黄耀英齐齐悼念颜国梁，梁思浩期间一度眼泛泪光并说：「颜国梁先生离开咗我哋，再次多谢颜生颜太上我嘅节目，喺相处里面，佢哋两个喺化妆间嗰种恩爱，我到呢刻都唔会忘记，佢哋喺TVB度相识，到尾有一个美好嘅回忆，颜生，一路好走！颜太你要保重，所有家人记住节哀顺变。」
颜国梁千叮万嘱要将太太拍摄得美丽
颜国梁离世传出后，梁思浩曾在社交平台表示从颜太口中收到沉痛消息：「颜先生昨晚22:30安详地离开了，颜太太节哀顺变，你丈夫好痛锡你，所以我亦帮佢一个心愿，佢要同你留下一个美好嘅片段同回忆！所以嗰日电视台出镜，佢千叮万嘱我，要将佢太太拍摄得美丽，（因为太太在他心目中永远都系最靓最温柔）亦都等你哋两个喺人生嘅片段里面有一个最温馨美好嘅回忆！颜先生一路走好！」
颜国梁现身节目表现精灵
颜国梁上月底曾与太太霍洁贞为《直播灵接触》任嘉宾，颜国梁表现依然非常精灵，精神状态不俗，连梁思浩都忍不住说：「见过咁多次，你今次嘅精神状态系非常好。」梁思浩指颜国梁当时经历15日生死边缘，太太霍洁贞四出求助，希望找到方法为老公续命：「我去咗济公庙搵庙祝，帮佢祈福，装香、化宝、诚心求拜。另外佢（颜国梁）平时抄咗啲《心经》，我拎去化咗佢，总之就系做呢啲。」梁思浩又透露当时有一个圈中人向霍洁贞透露：「佢过到呢15日就会返嚟，过唔到就无得返，预咗帮佢做身后事。」
颜国梁患癌后积极面对：
颜国梁昏迷15日遇灵异事件
霍洁贞指当时有朋友跟她说：「会唔会谂下法科方面，我即刻谂起我娱乐圈好朋友，即刻打畀佢，问佢有乜可以做，佢叫我第二朝一早去济公庙装塔香，呢15日系一个关。」颜国梁提到15日的昏迷与半醒之间的几个片段：「首先我喺ICU系得两个人，嗰个人喺度行来行去，我喺张床无奈地睇佢行，佢讲电话：『我知，玩梗时差吖嘛，而家系下昼5点几，唔系10点几，我知，会过去澳门嗰边做实验嘛，我明。』」第二个片段则是老友打电话给他，跟他说：「你俾人整蛊啊，俾人玩梗时差，不过医院知，会补偿返畀你。」第三个的片段较为现实，颜国梁说：「有两个医务助理，肥嘟嘟、大妈嗰啲，走埋嚟捉我。我唔畀佢捉，我觉得佢唔系善意，『你好曳啊』，你仲觉得佢系善意？两个砰砰声走埋嚟。」颜国梁续指：「当时我郁唔到，俾人绑住咗，佢又捉我唔到，打到只手啲管甩晒，成床血，畀佢闹『你好曳啊！你成日郁！』」
梁思浩曾叮嘱颜国梁要好好多谢太太
虽然颜国梁指当时自己是昏迷与半醒之间，直到转房后终于醒过来，不过梁思浩补充指：「喺医护、太太眼中都系昏迷中，你见到嘅未必系真实。」梁思浩更说颜国梁要好好多谢太太：「喺呢15日入面，你真系要好好多谢你太太，其实系佢嘅功德，所做嘅一切畀你返嚟，佢只系讲咗一句『我唔舍得颜国梁』，佢系落咗好大嘅功课，所以我见到你哋咁恩爱，听话要继续身体健康，继续好好哋，有第一次续命，未必有第二次。」谁会想到不足一个月竟传来噩耗。
其他文章：
「陈积」颜国梁惊传死讯！享年71岁 梁思浩贴合照：颜先生一路走好
颜国梁逝世丨邓英敏揭颜国梁死因！原定今日往医院探望 指颜国梁太太表现坚强
颜国梁传逝世丨颜国梁上月曾现身节目称身体OK 忆患癌昏迷险踏鬼门关获太太做一事续命
颜国梁逝世丨69岁宣布结婚娶前艺员太太 一个原因拍拖多年未有注册
颜国梁逝世丨2022现身台庆自揭患鳞状细胞癌 公院留医好无助 年初昏迷有幻觉
74岁颜国梁抗癌化疗一度甩头发 北上被捕获惊变白头翁精神奕奕
颜国梁患鳞状癌三期多次走出鬼门关 愿做大体老师令生命更有意义
颜国梁去年受访自爆长期饮酒致疴血尿幸没患癌 自揭声带生瘤后网民涌旧片留言祝福
73岁颜国梁宣布将结婚 耗尽积蓄治癌取伤残津贴感谢另一半照顾
---------------
紧贴最新最快新闻资讯，请立即下载星岛头条App：https://bit.ly/3Q29Vow
最新回应