周启生唔惊死点评细粒男偶像：走音走到九彩力撑何伯畀啲钱买开心勿奉献身家丨独家

2024-05-27 07:00

62岁的著名音乐人周启生由13岁开始弹《黄河钢琴协奏曲》，50年后终圆梦，下月8号自资于荃湾大会堂举行《摇滚黄河直至世界终结时》音乐会。周启生认为做人最紧要开心，力撑近期热爆全城的76岁何伯，认为只要唔牵涉成副身家，何太又𠱁得佢开心，「咪当系畀少少钱做交易罗」。另外，对乐坛仍然有火的他，唔怕被Fans狙击，再度点评新生代歌手，更大胆直言，「社会变到人人都食屎，我都唔食。」采访：方骞平摄影：邓国良

周启生唔怕惹怒当红歌手，坚持实话实说放马过来。

周启生仲好有冲劲。

周启生对乐坛好有火。

周启生会留意乐坛动态。

周启生强调唔系OUT咗嘅废佬。

周启生坦言𠵱家传媒一个独大，咁样会搞死乐坛。

对于音乐会，周启生讲起都兴奋，届时会有40人管弦乐团及40人合唱团，揼本制作预咗冇钱赚：「几十岁人蚀少少都系笑嘅，人生有几多个50年？都想做啲未做过嘅嘢冲击吓自己。」音乐会故事背景源自二次大战日本侵华，以《黄河协奏曲》4个乐章作骨干，再加新的音乐及其作品，如陈百强《孤雁》、叶蒨文《流金岁月》等，原来两首歌也有小故事：「《孤雁》系我作畀Danny仔嘅，讲爸妈经历二次大战时，如同走失嘅孤雁由广州逃难到港澳，最惊险试过伏喺芦苇草堆扮死尸避过日本仔追杀，所以我好憎打仗。」

周启生下月8号自资于荃湾大会堂举行《摇滚黄河直至世界终结时》音乐会。

62岁周启生开Show前努力操肌。

周启生操弗自己，准备就绪。

周启生由13岁开始弹《黄河钢琴协奏曲》

父亲吉吉传承艺术天份。

周启生向来著重外表。

崇拜甄妮唱得又身材好

周启生又爆28岁时创作的《流金岁月》曾被叶蒨文嫌弃：「公司高层黄剑涛同我讲『大小姐嫌首歌渣，唔肯唱呀』我幽佢一默『都冇办法㗎，咪搵二小姐罗』不过我点敢嬲佢呀？佢唱歌好听，把声咁靓，身高5尺6寸，身材咁好咁性感，英文又叻…」他急赞完即戴返头盔：「唔好话我成日闹人，你数吓呢个年代有边个好似佢咁正呀？我都想有人叻过我哋，但暂时少见；唔系寸，你搵一个自称弹琴叻嘅人，我收埋一只手陪佢玩《黄河协奏曲》！玩到送层楼畀佢。」叶蒨文唔肯唱国语版，最后交到甄妮手上。对于伍仲衡爆甄妮「唔找数」，周启生力撑「乐坛风纪」为人：「我17岁已跟佢走埠，出发前会畀足订金，论江湖地位系咪适合批评前辈？正如我点敢批评许冠杰及罗文！我觉得要尊重前辈。我好崇拜甄妮，唱歌叻又有巨肺，年轻时脚幼腰细冇肚腩，应大得大应细得细…哈！𠵱家白骨阴阳剑就多，瘦到咁点吸引到我？」

周启生作曲嘅《孤雁》由陈百强主唱。

年轻时的叶蒨文超索。

沙丽系性感尤物。

后生甄妮唱得又好身材。

甄妮最近不时在社交网论尽娱乐圈大小事。

伍仲衡曾喺网上直播节目中爆甄妮「唔找数」。

周启生撑甄妮。

周启生年轻时跟阿Sam走埠巡演。

周启生好尊敬许冠杰。

曾跟阿Sam及已故Sam爸合照。

年轻时周启生和周慧敏都获前辈照顾。

曾被Fans狙击拒绝收口

周启生曾狠批当今乐坛偶像而被Fans狙击，佢冇吓亲：「如果社会变到人人食屎，唔食就冇taste，我都系坚持，点食屎呀？虽然俾人话我out晒嘅老嘢，但唔能够拎走我嘅嘢，《狮子山下》、《风的季节》由我编曲，边个唔识呀？」自言被网民闹到斗零都唔值，但他仍拒绝收口，笑20几岁偶像个肚腩好似西瓜咁大，唱歌又走音，陈年老偶像个肚就好似孭住个雪柜。他语重心长表示，「年轻偶像唔可以肥，对自己要有要求，否则人哋点值得爱你？不过都只系纸扎偶像，逆市下广告收入大减，又狂被抽佣都所剩无几，如泥菩萨落水即溶。」

周启生赞姜涛身形fit返，面尖尖靓仔晒。

周启生指年轻偶像唔可以肥。

阿伦有幸福肥。

赞Marf冯允谦唱歌有Feel

因为抱住「唔知人哋渣，点知自己好。」心态，周启生乜歌都听，「身材、样貌、高度都唔达标嘅偶像录音好正，但唱红馆现场走音走到九彩；又唔明点解商台会颁奖畀唔啱音女歌手。」不过，有弹都有赞：「Marf(COLLAR成员)唔系皮包骨，几型几靓，但唔了解佢唱功，佢嗰队柴娃娃冇样啱音；Jay(冯允谦)都几正，斯文靓仔，唱歌有feel，可惜唔够红。」

周启生赞冯允谦，但MC就唔系佢杯茶。

MC张天赋今年初开过场《THIS IS MC》红馆演唱会。

陈蕾首踏红馆开骚，周启生曾发文批评，「听佢现场表演，真系吓咗我一跳。」

陈蕾年头获得商台颁发「女歌手金奖」。

陈蕾年头获得商台颁发「女歌手金奖」及「我最喜爱女歌手」等4个奖项。

周启生两公婆都锺意Marf。

周启生指COLLAR柴娃娃。

周启生两公婆都锺意Marf。

周启生和太太及宝贝女。

周启生认为做人最紧要开心，见到全民齐插何伯，他忍唔住帮口：「佢都几十岁人，做乜都得啦，甚至可以同其他女人有任何关系，但唔好要啲仔女担心佢嘅钱银，唔好牵涉到成副身家，如果个女人𠱁得佢开心咪畀少少当交易罗，一夜夫妻千二蚊都ok呀，咁样嘅话我支持何伯！但要畀100万就贵咗啲喎，Jennifer Lawrence (珍妮花罗伦丝)100万就ok。」周启生更为何伯计数：「𠵱家何伯送咗30几万礼物畀新何太，扣除伙食费、汤料及补品，当每次花费500至1000元，76岁嘅何伯到百年归老，都冇50至60次交易啦。」