《我在这里等你》好彩有刘俊谦丨头条戏场

2024-05-24 05:00

《我在这里等你》好彩有刘俊谦丨头条戏场
《我在这里等你》好彩有刘俊谦丨头条戏场

一套《九龙城寨之围城》令到中港台多咗好多刘俊谦老婆,有刘太关注组我会秒速加入。《我在这里等你》因为有佢所以狗冲入场,结论系范少勋好靓,刘俊谦更靓,台湾风景激靓,有大海有烟花有张国荣嘅歌,睇剧照同预告都暗示两位男角有大量暧昧感情,以为剧种是俊男BL,满心欢喜可以疯狂FF,人生果然有好多遗憾,抱住睇靓仔揽锡的腐女们应该会好失望。(已上映)撰文:廖思慧    

已经唔记得呢幕讲乜,但因为剧照好睇所以用嚟做大相。
已经唔记得呢幕讲乜,但因为剧照好睇所以用嚟做大相。
全片冇明言两人性取向,但以行动话畀观众知,
全片冇明言两人性取向,但以行动话畀观众知,
电影前半段有好多呢类暧昧场口,拍得靓嘅,睇到好兴奋。
电影前半段有好多呢类暧昧场口,拍得靓嘅,睇到好兴奋。
电影当然亦有优点,就系画面好有美感,不经意偷望对方的眼神最好睇。
电影当然亦有优点,就系画面好有美感,不经意偷望对方的眼神最好睇。

刘俊谦饰演失意的香港作家天宇,因为作品涉抄袭被狠批而飞去台北避静,继而在夜场被灌酒,幸获当地古惑仔阿翔(范少勋饰)执返屋企。因为台仔讲嘢冇句真,又吓吓讲钱,港仔一脸厌恶,但因为台仔可以带路去传言可直达天堂的鲸逝湾,唔熟路加上被偷银包的港仔万般不愿只能死跟。两人沿途经历大量枝节,由单方面讨厌到互相慰藉,最后发现两人原来有段跨越10年的奇幻缘份。

纯睇靓仔可入场
观影感觉好特别,片中有大量台湾好山好水画面,虽然冇特别交待两位男角的性向,但有壁咚,又有非常多的不经意互望,加上有唔少晒Body场口, 又浸水又冲凉,期待靓景下两人会更进一步,但睇到尾先发现所有暧昧都点到即止,你一直以为睇紧一套青春BL电影,近尾声先恍然大悟,原来是一套玩平行时空的奇幻电影。

阿翔好活泼又乜都够胆讲,天宇逐渐被融化。
阿翔好活泼又乜都够胆讲,天宇逐渐被融化。
旅程中两人路经有瀑布的湖泊,当然唔好浪费,至于只狗就充满功能性。
旅程中两人路经有瀑布的湖泊,当然唔好浪费,至于只狗就充满功能性。

不过好可惜,编导讲故事能力麻麻,剪接亦好混乱,全片重点的时空穿梭睇到怀疑人生,两男相遇力度亦好薄弱,全靠两位男角撑起成套戏,特别是刘俊谦,由被屈有冤无路诉,到逐渐释放自己至勇敢回港,全靠佢不断将观众拉返入局,认真辛苦晒。

真实嘅人生冇可能reset再嚟,好好珍惜重要嘅人。
真实嘅人生冇可能reset再嚟,好好珍惜重要嘅人。
阿翔的哎吔阿妹夏夏(詹子萱饰)负责满足男观众。
阿翔的哎吔阿妹夏夏(詹子萱饰)负责满足男观众。
社工陈俞心(林予晞饰)认识童年阿翔,知佢跟天宇的秘密关系。
社工陈俞心(林予晞饰)认识童年阿翔,知佢跟天宇的秘密关系。

超靓剧照:

 

《星岛申诉王》推出全新项目「我要赞佢」栏目,现诚邀市民投稿赞扬身边好人好事,共建更有爱社区。立即「我要赞佢」︰https://bit.ly/3uJ3yyF

想睇更多精彩内容,请立即浏览「区区有申诉」活动专页,https://bit.ly/41hgS9E

紧贴最新最快新闻资讯,请立即下载星岛头条App:https://bit.ly/3Q29Vow

關鍵字

最新回应

You are currently at: std.stheadline.com
Skip This Ads
close ad
close ad