37岁支喾仪人气劲印佣亦变街市红人素颜大妈变歌手兴奋攞正牌扮靓丨独家

2024-05-24 08:00

37岁支喾仪（Venus）虽然喺第一季《中年好声音》7强止步，但仍获TVB签为歌手，最近更推出首支原创单曲《Gotta Try》，强调等了37年终圆歌星梦的她形容不可思议，最开心做幕前可以畀藉口自己扮靓，连5岁囝囝都自豪有个索妈。采访：方骞平摄影：邓国良

支喾仪终于圆歌手梦。

支喾仪做歌手零包袱。

Venus冇意做少奶奶。

等咗37年终于做到歌手。

Venus好满意目前生活。

支喾仪性格乐观，所以处女新歌唱出坚毅不屈嘅精神，边唱边浮现当初经营烘培店及参加《中音》的奋斗史：「大学毕业后不停摸索出路，教过书、做过银行及珠宝，到最后选择创业，不过，途中曾被打压，试过俾厨师睇唔起冷待；去到参加《中音》时都『中箭』，甚至有恶毒人生攻击，如抨击唱《爱情陷阱》好难听，唱到似怨妇歌咁。」面对负评，Venus会反省，「综合前辈教路，艺人如同一件艺术品，部份人会主观喜爱；相反都会有人否定佢嘅价值；唔会得到所有人锺意及认同，所以唔使太介怀，好似做生意咁，要认清销售对象，目标为本。」

处女单曲《Gotta Try》唱出奋斗小故事。

第一次拍MV好紧张。

MV好有mood。

Venus喺MV中好靓女。

营运烘培店初期遇过唔少挫折。

Venus在第一季《中年好声音》未能夺奖，但好有观众缘。

Venus参加《中音》有好多美好回忆。

参加《中音》带给她唔少收获。

「中1生」及「中2生」如同一个大家庭。

「中1生」快将开演唱会。

跟罗启豪系亲蜜战友。

好锺意做嘢拒做少奶奶

随住Venus知名度增长，连家人都受到关注，对于网民大赞支喾仪妈妈颜值爆灯，气质超越女儿，Venus透露妈妈劲开心，甜到好似食咗糖：「我嘅音乐造诣系妈妈畀我，妈妈都系唱得之人，都鼓励佢参加《中音》发挥才能。」除妈妈外，Venus的印佣姐姐同样成为街市「红人」：「有次佢着住我嘅粉丝会服去买餸，街市啲姐姐拉住佢『索』我料，仲送咗条红衫鱼畀佢！哈！可能见我咁忙，佢照顾我会好辛苦要补吓，好搞笑。」Venus自言系时间管理大师，唔使开工就做返素颜大妈，零包袱去凑仔、去买餸：「幕前工作会令我更有自信，会有打扮动力，阿仔见我咁会好开心话『妈咪你好靓！』，而且我锺意被需求，喺屋企系妈妈角色；喺公司要培训及鼓励员工；Fans又需要我嘅力量，所以少奶奶唔系我人生嘅选择。」