罗毓仪放唔低旧情突爆喊：返唔到转头出道5年「御用学生妹」急弹上女一丨独家

2024-05-20 07:00

27岁「最强童颜」罗毓仪（Yuki）出道仅5年，已于新剧《神耆小子》中「升呢」女一。不过Yuki事业火速起飞，爱情就未能同步并进，两个月前跟YouTuber男友Mike和平分手，至今依然放唔低呢段4年情，访问期间更悲从中来突然爆喊，然后带泪剖白分手真相，自爆曾经打算复合。加上被口臭网民误解分手原因，令她非常无奈。采访：方骞平摄影：谭志光场地：尖沙咀Velo Italian Bar & Grill餐厅

罗毓仪仍未放低旧情。

Yuki未来将寄情工作。

Yuki人气急升剧接剧。

Yuki演技越来越亮眼。

Yuki好畀心机演戏。

两年前，罗毓仪在剧集《下流上车族》饰演学生妹「车蔓蔓」，凭几场崩溃爆喊戏获观众系咁畀like，随即人气急升剧接剧。在新剧《神耆小子》更首度擢升女主角，跟郑则仕有唔少对手戏，仲拍住力捧的「妙音龙子」冼靖峰(Archie) 发展感情线，前途一片光明。

剧中Yuki跟冼靖峰发展感情线。

两人好合衬。

罗毓仪、冼靖峰系观众受落的一对。

刚失恋对爱情冇晒Feel

新剧中Yuki的「钱多多」角色奸奸哋，为达目的大耍手段，甚至「收兵」，跟纯情「车蔓蔓」好唔同。她笑说：「上次拍《双生陌生人》一嚟就同黄庭锋拍床上嘴咀戏；今次由我负责夺走Archie萤幕初吻，呢场戏喺开镜一星期后拍，大家未混熟难免有啲紧张，当时Archie惊到全身僵硬，相对我轻松啲，因为剧情讲我瞓咗，佢偷吻我，所以我乜都唔知。至于第2次Kiss戏就有韩剧feel，男女主角都好sweet。」问到现实生活中可会「收兵」？失恋两个月的她强颜欢笑：「冇啦！𠵱家好攰，我对现实生活爱情冇乜feel，都系返去虚拟世界，哈！近日打游戏机识到4个(虚拟)『男朋友』去慰藉心灵。」Yuki强调冇人追求，目前会专心事业，她一脸认真说：「我唔想咁快开始新嘢，一切随缘啦…」

剧中罗毓仪负责夺走Archie萤幕初吻。

Yuki在《神耆小子》中有突破，角色奸奸哋。

前辈郑则仕都曾大赞罗毓仪演得好。

拍《双生陌生人》中跟黄庭锋拍床上嘴咀戏。

罗毓仪于《下流上车族》中的演技获赞。

罗毓仪跟林敏骢、江美仪及郭柏妍似足一家人。

罗毓仪凭剧集《下流上车族》上位。

剧集《下流上车族》罗毓仪饰演学生妹「车蔓蔓」。

分咗后曾多次倾过复合
Yuki旧爱Mike曾被网民批评「衬唔起」她，Yuki当年曾力撑对方「超级靓仔有型有才华又可爱」，女方坦言仍未放低旧情，自爆曾多次箍煲，拉扯多时最终都系决定做返朋友。她首度开腔剖白分手原因：「感情事系复杂嘅，主要系工作考虑居多，艺人生活比较烦，衍生沟通、时间、性格及生活模式等问题，唔系一朝一夕嘅事，最初以为可以解决得到，但原来去到某个位就会一发不可收拾，尤其停留横店4个月拍《巾帼枭雄之悬崖》时变咗Long D(恋爱)。」Yuki坦言曾多次提出，希望互相迁就来维持关系，Mike亦愿意付出时间，最终她唔想咁自私，逼对方改变自己：「我今年28岁，开始想将来，屋企人都问我将来有乜打算？我想将多啲时间放喺拍剧，呢方面大家有冲突。」语毕，Yuki即眼有泪光并开始哭诉：「突然冇咗一个人会唔开心，同一个人咁多年，大家陪大家经历好多，我觉得佢都系一个好人，大家由零开始，一齐好努力去经营YouTube Channel。」

罗毓仪一提旧爱即爆喊，更首度剖白分手真相。

提到前度Mike喊得好凄凉。

至今仍放唔低4年情。

罗毓仪坦言想返去从前开心日子。

但唔想咁自私，逼对方改变自己。

对逝去的爱感到可惜。

3月4日Yuki于IG Story公布分讯。

至今Yuki跟前度仍有联络，日前女方不慎跌亲，出po后Mike亦有传短讯慰问， Yuki又再次慨叹爱情好复杂，她真的不懂，越谂越难过的她泪如泉涌，边拭泪边说：「以前好美好，好想返去从前唔懂事，唔使顾虑咁多嘅自己，但原来有啲嘢唔系闹交，唔系翻天覆地，而系会随时间流逝去改变，就好似沙漏咁逐少逐少溜走，返唔到转头。」