星8卦｜「霸姐」食尽小鲜肉想定落嚟 招惹「扮嘢」痴恋唔敢落叠

如果要问「霸姐」最想系乜？梗系想有个男人锡啦！但佢条命就系咁，一直都遇唔到一个企理。初恋俾「才子」追到以为自己系公主，喺埋一齐十几年至知对方一直有个小男友，仲要主动出击话两个人唔夹，一早分手。呢个打击之后，「霸姐」开始同细自己好多嘅小鲜肉一齐，追求肉体欢愉，「奀仔」做幕后，胜在屋企有个钱，但条件不足以令「霸姐」公开大家恋人关系。

「奀仔」都同「霸姐」拍咗五年拖㗎，到佢攞咗奖之后就决定同「霸姐」分手，有时啲男人系咪借「霸姐」出名就真系好难定断，但近年「霸姐」发现自己唔知点解多咗班同性追求者。好似「扮嘢」之前飞甩「囡囡」之后，搵「前辈」帮手穿针引线，介绍自己识「霸姐」，仲话自己系小粉丝。而家日日做柴可夫车出车入，「霸姐」无所谓㗎，多个同性观音兵，加埋都Dry咗咁耐，有人追吓都好Sweet嘅。

不过如果想再进一步，「扮嘢」就明示暗示畀「霸姐」知，但始终系无乜反应，「扮嘢」心急到呢，但又唔敢太进取。其实姜系老嘅辣，「霸姐」问咗「前辈」乜事，知道「扮嘢」心事，但又唔想影响自己形象，希望最终有男人埋身，有啲嘢千祈唔可以开始，费事无得返转头！

 

相关文章：

星8卦｜「动物」同「生姐」拍拖尽使 衰咸湿断正被飞抵死

星8卦｜「出色」花心死缠唔肯分手 「珠女」撞正天体派对嬲到出烟

星8卦｜「叻叻」靠卖料赚人情外快 艺人敢怒不敢言任由宰割

《星岛申诉王》推出全新项目「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰https://bit.ly/3uJ3yyF

想睇更多精彩内容，请立即浏览「区区有申诉」活动专页，https://bit.ly/41hgS9E

紧贴最新最快新闻资讯，请立即下载星岛头条App：https://bit.ly/3Q29Vow