母亲节2024丨甘比与细女出动做善事 罕现YouTube节目因一个表现被网民热讨
2024-05-12 15:30 
向来善心满泻的「大刘」刘銮雄太太「甘比」陈凯韵今日趁母亲节与小女儿刘秀儿（Josie） 齐齐出动做善事。近日甘比为混血肥仔的YouTube节目做嘉宾，因为一个表现，竟然成为网民热讨！
相关阅读：甘比出席浸大讲座以做娱乐记者经历鼓励学生 每天睇所有报纸版面：日后会有帮助
甘比与小女儿刘秀儿出动做善事：
今天是母亲节，不少人都趁着这一天与妈妈庆祝，「大刘」刘銮雄的太太甘比则选择在今日做善事，她在IG贴上与小女儿Josie在秀桦厨房门外的合照说：「今天早上，小女儿Josie和我，与一班《仲学舍》的租户义工一同向刘銮雄慈善基金生活援助计划的受助街坊派发生活物资及超市现金券。适逢今天是母亲节，希望大家都可以趁这个有意义的日子，多关心身边人，让社会更有爱，祝大家母亲节快乐！」虽然甘比家境富有，但向来为善最乐，不时做善事回馈社会，近期更现身与年青人有关的讲座，分享自己的人生经历，日前更接受「混血肥仔」曾达恩的YouTubre节目访问。
甘比制作品比想像中便宜
今次混血肥仔邀请甘比担任节目《地球人生活指南》的嘉宾，在节目上亲自传授鈎织技巧，过程亲民兼搞笑！混血肥仔发现甘比的工作室有大量可爱鈎织摆设，当中更有不少是「屎形」精品，甘比笑说：「嚿屎其实有段古，我好朋友，其实系Sammi（郑秀文），叫我织嚿屎就大受欢迎！其实屎喺日文叫『unko』，同好运发音好似，日本年青人好锺意做一个屎形状嘅手势，其实系祝福嚟。」混血肥仔更发现店铺的制作品比想像中便宜，甘比分享个中原因：「开头开铺头嘅时候，啲同事就成日话『唔得㗎，你织要卖贵啲』，我成日都好同佢哋好争拗嘅，我就觉得大家都织到嘅，就一定要同大家一样嘅价钱。」
甘比担任节目《地球人生活指南》的嘉宾：
甘比自认是出名有耐性的导师
自言以前性急的甘比，她称现在是出名有耐性的导师并说：「好急，好急，好锺意好急，但系我放慢咗喇，其实我除咗自己急之外，我曾经觉得自己迫害其他人，逼到其他人都好急，但系有一刻我醒咗喇，我就觉得如果我追嗰个人，我追佢嘅时候可能只系快三分钟啫，咁我就唔好逼佢喇。」而甘比教授混血肥仔鈎织，边教边向对方派「心灵鸡汤」：「做人要识转弯，要转膊」、「每个人都好有创意，你唔好以为自己嗰个好核突」甘比坦言学习鈎织与儿子刘仲学有关：「疫情咪online school嘅，我冇嘢做咪拎两支嘢咁织，无端端我个仔有一日就话『妈妈，我呢要两嚿嘢』，我心谂『死喇，呢个唔系织，系鈎喎』，咁我就唔知点算好，跟住终于搵到有卖呢类毛冷嘅地方，但系就唔明点样鈎，问嗰个阿姐可唔可以教我，佢话『唔得，我唔可以教你』，我直情想喊，后尾咪自己上网同搵人教睇图再自己学罗。」
甘比有分享一件教班的难忘事
另外，甘比也有分享一件教班的难忘事：「有个妈妈嚟上堂，我就多口问佢嘢，佢话佢织畀个女，我问佢『得一个女呀？』，佢就无端喊晒口同我讲，『唔系呀，两个女』，『咁你织埋畀细女』，跟住佢就细细声做口形话『佢唔喺度，佢走咗』，佢喺度喊，我又忍住喊。佢走嗰时我就揽住佢，拍拍佢，我就送咗啲嘢畀佢个女，因为佢第一次织唔系咁靓，我就将我嗰个畀埋佢。」
网民一面倒激赞甘比
节目出街后，网民一面倒激赞甘比并留言：「终于明白点解刘太在娱乐圈有咁多朋友，佢真系亲切可爱！」、「好欣赏甘比，睇得出佢系一个心地善良，好真诚嘅人！就算宜家嫁咗个有钱老公，佢都冇变到，仲依然关心弱势社群。大刘娶咗佢真系几生修到！」、「甘比好得意好真诚」、「甘比～好有同理心＆好贴地」、「终于知刘生点解会拣甘比」、「唔怪得佢行到而家呢个地位，真系有个人魅力之处」。
其他文章：
甘比豪门闺密身份显赫！与佘诗曼黎姿好老友 收藏品昂贵连麻雀都镶钻
甘比开店两天后闺密力撑现身打卡！淡妆斗晒冻龄功力 关系超越朋友变家人
甘比6岁细女庆祝生日有指定要求？ 视后因学鈎织结缘花心思送礼
甘比兴趣成名媛新玩意！何超欣孖阿嫂奚梦瑶出动 斗手技笑笑口卖萌
----------------------------
《星岛申诉王》推出全新项目「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰https://bit.ly/3uJ3yyF
想睇更多精彩内容，请立即浏览「区区有申诉」活动专页，https://bit.ly/41hgS9E
紧贴最新最快新闻资讯，请立即下载星岛头条App：https://bit.ly/3Q29Vow
最新回应