星8卦｜「姣婆」搵艺人着数搭棚拍戏 无老细支持人间蒸发

娱乐圈啲人最叻做乜？「搭棚」罗！总有好多人明明系骗子，但依然有人信，有人落搭。「姣婆」做幕后咁多年，但佢一直恃住自己有两分姿色，后生周围食仔，啲男星以为靠佢势力可以有机会，其实好多都系俾佢骗色，最后都系得个桔。

早排佢又搭咗个靓棚，话有大老板开戏，搵咗公司一班阿哥阿姐度晒期出嚟。事实系佢同一个大陆佬合作，先有咗个靓卡士就出去搵老细，而两个人就从中搵钱。呢个市道边有咁易搵老板肯出钱，佢打锣打鼓话有大公司拎钱，但嗰条数都未够畀男女主角嘅人工。最衰系佢搵咗「小花」同「盲炳」畀咗期，但成半年都无声气，搞到同时期嘅Job都唔敢接 。

成班人见势色唔对，尤其系「盲炳」一直唔想拍，结果无下文，日日分头打畀「姣婆」，佢竟然开多个电话，将之前全部嘅联络冻结无一个人搵到佢，连返公司挖佢都无影侠，而家天怒人怨，因为自己无油水抽就人间蒸发，成日恃住有公司撑，将班艺人当系自己嘅工具同筹码，利用到尽，但最惨无人敢出嚟闹佢，由得佢继续妖孽横行。

 

相关文章：

星8卦｜「叻叻」靠卖料赚人情外快 艺人敢怒不敢言任由宰割

星8卦｜「扮嘢」结婚玩神秘得罪全世界 生女想复出被嫌弃

星8卦｜「阿靓」被「红人」抛弃 闪嫁「英雄」误堕骗局做摇钱树

《星岛申诉王》推出全新项目「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰https://bit.ly/3uJ3yyF

想睇更多精彩内容，请立即浏览「区区有申诉」活动专页，https://bit.ly/41hgS9E

紧贴最新最快新闻资讯，请立即下载星岛头条App：https://bit.ly/3Q29Vow