54岁梁小冰晒命式公开结婚24年保甜秘诀自揭尘封秘密当年为梁朝伟选美丨独家

2024-05-04 07:00

54岁的梁小冰跟老公陈嘉辉齐拍TVB热播剧《逆天奇案2》，演活坐监30年的落泊老妇角色。时隔26年重返娘家，梁小冰自揭收埋心底多年的小秘密，包括因为梁朝伟才加入TVB，虽然之后无缘合作，好彩仲有古天乐、郭富城、郑伊健等当紥小生填补空虚，她更非常回味当年可以任摸白面古仔。郭晋安及欧倩怡昨日宣布结束18年婚姻，而小冰跟陈嘉辉结婚24年依然甜蜜，靓太更公开婚姻保甜秘诀，陈生把口甜得可怕。采访：方骞平摄影：谭志光

梁小冰为拍《逆天2》激减16磅。

小冰系幸福女人。

未来都想拍多啲剧。

1990年港姐季军梁小冰曾是当家花旦，7年间演过《血玺金刀》、《鹿鼎记》等32部经典古装剧，被封「古装皇后」，至1997年约满转往内地发展。今次重返TVB除因相识30年的幕后团队外，还因角色跟真人性格反差好大，好有挑战性。

1991年首拍古装剧《血玺金刀》已做女一，跟22岁做男二的郑伊健合作。

同嫩版郑伊健拍古装剧《血玺金刀》。

郑伊健嬲猪样。

1993年跟21岁黎姿上少林寺拍《武尊少林》。

1995年，小冰经跟华仔拍特备节目《香港情未了》演两公婆。

剧中担心当差嘅老公安危。

拍过李克勤MV。

同小生张卫健合作过。

《鹿鼎记》梁小冰饰演「阿珂」。

梁小冰跟徐濠萦、邝文珣、陈安琪、冯晓文、刘玉翠、陈少霞做小春老婆。

古代美人出浴。

被封「古装皇后」。

12年前为港视拍《导火新闻线》。

演有气场传媒女高层。

和杨千嬅到澳州旅游特辑。

2000年梁小冰跟老公陈嘉辉再合作台剧《少年梁祝》。

剧中仲有罗志祥。

懒凑仔有老公顶住

不论戏里戏外，小冰都大赞结婚24年的老公，是将她由地狱带进天堂的白马王子，「今次拍剧有佢无微不至咁照顾，婚后由管家、凑仔、到管教全部系佢，我只系负责煮饭…煲剧起唔到身凑仔返学，哈！唔好意思罗，而且自己好瞓得，起身后咪侧侧膊，同佢讲要买餸煮饭，佢又OK喎。」小冰唔停口赞老公：「佢瞓醒就赞『老婆你今日真系好靓』，又会从后揽住我话『老婆你好Fit，点解条腰咁瘦嘅？』」

小冰和嘉辉一家3口好幸福。

2007年5月小冰产子。

嘉辉眼中大肚小冰依然好靓。

多年来两公婆形影不离。

24年前结婚。

情深一吻。

当年婚宴现场。

嘉辉好宠妻。

婚前忙到要喺工作地方拍拖。

小冰公开两公婆甜蜜保鲜方法。

嘉辉多年来日日赞她好靓。

嘉辉是将小冰由地狱带进天堂的白马王子。

每日都𠱁到小冰好开心。

嘉辉照顾小冰无微不至。

有一致嘅开心笑容。

感动出山冇被嫌老

对于重出江湖好评如潮，小冰感动到眼有泪光：「睇观众留言『挂住我』、『赞我好戏』、『仲话睇唔够，想睇我多啲拍戏。』嗰种甜，睇见都标眼泪，我都快60岁喇，原来佢哋睇住我长大，冇嫌我老及肥…」小冰更拍心口承诺，如果观众想睇，会拍多啲TVB剧：「李司棋、黄淑仪40几岁就演妈妈角色，自己都唔介意演，大家尽情搵我啦。」

梁小冰拍《逆天2》演技大爆发。

造型好爆。

演活坐监30年的落泊老妇角色。

时隔26年重返娘家拍剧。

感动出山冇被嫌老。

演得投入。

重出江湖有老公照住。

重出江湖跟老公陈嘉辉拍住上。

翻Hit的小冰想当年，她自爆一件憾事：「20岁时一鼓作气着泳衣参选港姐，口话想做演员，其实系想同梁朝伟一齐拍剧，因为五虎将红到爆，但我1990年入到去，伟仔啱啱走咗喇，呢种擦身而过嘅感觉，𠵱家都饮恨紧，始终佢现时级数同以前差天共地，唔易接触到。」但小冰唔死心，继续力Sell自己：「不过，现阶段我嘅成熟度，系拍到梁朝伟及周润发。」

20岁选港姐的小冰，表演转帽时失手，顺势坐地摆甫士获赞。

小冰当年得22寸蛇腰。

当年做女时体重得93磅。

1990年港姐冠军袁咏仪，亚军翁杏兰和季军梁小冰。

1989年26岁的梁朝伟和邓萃雯拍《侠客行》。

1989年梁朝伟拍《侠客行》。

15岁跳芭蕾舞。

精灵少女。

小冰一出道便受力捧。

城城古仔依然靓仔

虽然同伟仔冇缘份，但小冰庆幸也曾跟TVB当家小生古天乐及郭富城拍过剧，最难忘《圆月弯刀》中奉旨摸24岁古天乐的「牛奶白皮肤」，时至今日小冰谂返起都会笑：「嗰时佢系白色(皮肤)稀有品种，喺我心目中𠵱家古仔都系咁靓，从来冇变过，只系颜色系黑定白啫，所以呢套剧红遍中台两地。」小冰又大赞古仔系非常认真嘅演员，每场都会用真眼泪：「有场戏嘅对白系『我想最后一次见到你嘅时候，摸清楚你块面…』然后由额头摸到落佢鼻哥、嘴巴及下巴。」问到手感如何？她大笑说：「咁个鼻梗系硬啦，但好滑溜。」至于32年前跟影帝郭富城合作古装剧《风之刀》，小冰依然好记得，「当年26岁嘅城城好爱玩，得闲会用条绳笃吓你，直至23年后再合作电影《踏血寻梅》，感觉彷如隔世，𠵱家城城成熟咗好多，拍戏时稳重到不苟言笑，佢同古仔喺我眼中一样咁靓仔。」另外，她又认为郭柏妍眼大大、眼仔碌碌好可爱，似足她当年出道，应该可以做古装美人。