37岁高海宁公开入院原因！头部多处有硬块再现鬼剃头：死啦，咩事呢？
2024-05-02 12:30 
37岁高海宁去年凭《新闻女王》人气急升，在内地也越来越受欢迎，现时她更要两边飞，北上拍摄内地真人骚《无限超越班》第二季，亦要赶拍TVB新剧《武林》。高海宁上月突在IG限时动态上载一张睡在病床的照片，令人担心其健康状况，近日她受访时就讲到病情，更自爆再次有鬼剃头情况。
相关阅读：高海宁突发入院瞓病床照片曝光！月初颈部有硬块求救 直认身体响警号
高海宁公开病情：
高海宁近日回到TVB拍剧，她接受娱乐新闻台访问时被问到上次入院一事时说：「我好突然㗎，我系拍完《无限超越班》嘅通宵之后第二日，坐飞机返嚟，跟住我就喺度按我条颈啦，咦，乜有粒咁大嘅嘢，因为之前嗰晚都系四点几先瞓吖嘛，跟住之后咁大粒嘅？硬硬地㗎喎仲要系，嗰阵真系比而家凸好多，跟住就好惊啦。摸落去头皮呢个位，呢两忽呢系两大嚿硬块，跟住痛喎！然之后㷫㗎成个头皮，跟住我就死啦，咩事呢？」
高海宁曾两度鬼剃头
之后高海宁又被妈咪发现到有鬼剃头，她说：「我之前试过鬼剃头两次，我最近又有咁嘅迹象，咁我知道系压力，所以其实个心……即系我唔系话好旁徨嘅，但系我知道我要抽时间去医院Check，咁跟住剧组好好啦，叫我去医院，即系大家都唔想你有事咁样，所以就放咗我几日假去医院，所以我先有时间入院去Check，Check到出嚟Touch wood唔系严重嗰边嘅可能性已经好好多，但医生都话要Mon住，咁而家都仲喺度（硬块），咁可能都需要畀多啲时间，咁医生就话你最好呢就系可以休息」。
高海宁攰到要入院？
可惜因工作已排得密密麻麻，休息对大忙人高海宁来说似乎有点难度，她指：「几辛苦工作都好啦，身体都系最重要嘅，我觉得最紧要保持个心情，我系一个好容易紧张同埋焦虑嘅人，特别系当工作咁高强度嘅时候呢，下下都要保持你一百分状态嘅时候你就会将自己Push到好尽，咁呢样嘢就会导致我成日好掹紧好大压力，我觉得我要调节返个心态要放松啲。同一时间《无限超越班》嗰边又拍紧，嗰边又系好高强度啦，加埋厂景我谂我几乎连续大半个月都系凌晨四、五点钟瞓，好多时都系凌晨一点钟先收工，五点钟就出发去机场，要咁样先赶得切飞返香港开工，好多时一落机就要即刻开工，但系享受嘅，从来都未试过咁忙嘅，其实算唔算系Happy problem呢？都算系嘅，但系要调节返自己嘅心情罗。」
高海宁吓亲吴镇宇袁咏仪
在《无限超越班2》表现备受网民赞赏的高海宁，在最新一集中与内地小鲜肉王锵谈情说爱，二人更在镜头前真咀，令导师吴镇宇及袁咏仪大吃一惊。两人在河边闲聊培养感情时，谈到择偶问题，高海宁自爆：「我超级慕强，遇到甚么问题他能帮我解决，他是个很有思想，很有才华，很有头脑的人，我是那样的。」正于室内看他们培养默契的好友佘诗曼即指：「她（高海宁）想要男人一点的感觉，成熟一点。」
其他文章：
高海宁晒索爆母女照！父母女人街摆档曾涉卖假货被捕 一度自责养不起家人
高海宁久违晒完美曲线蛊惑角度凸显丰满身材 超贴身衫令网民心心眼
《星岛申诉王》推出全新项目「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰https://bit.ly/3uJ3yyF
想睇更多精彩内容，请立即浏览「区区有申诉」活动专页，https://bit.ly/41hgS9E
紧贴最新最快新闻资讯，请立即下载星岛头条App：https://bit.ly/3Q29Vow
最新回应