罗启豪惨被黑粉抺黑半年谷气狂呻被老屈掠水搵Fans笨兼人身攻击丨独家

2024-04-27 07:00

近日「姜神」Fans因接机霸位问题大打出手，搞到两位偶像好头痕，之前「镜仔」Edan (吕爵安)及Alton(王智德)的FC又因内讧被逼停运。原来罗启豪同样受到fans事件困扰，几位被逐的FC黑粉，因爱成恨，近半年在网上恶意狙击他，直指他及FC掠水，甚至作出人身攻击。一向少言的罗启豪都忍唔住狂呻，更奉劝黑粉远离佢：「唔开心嘅嘢唔好睇，无谓令自己更加唔高兴。」采访：方骞平摄影：罗安强场地：PMQ

温文嘅罗启豪都俾黑粉激到有火。

罗启豪出道一周年。

罗启豪坚持要做好自己。

罗启豪被黑粉事件困扰半年。

罗启豪望fans多体谅歌迷会干事。

罗启豪被粉丝争风呷醋。

《中年好声音》季军罗启豪趁住出道一周年，推出处男原创歌《相信相信》，更邀得伦永亮作曲、周耀辉填词，唱出参加歌唱比赛后成功克服社恐的心声，希望能鼓励同路人，只要相信就会梦境成真。

罗启豪趁出道一周年，推出原创歌《相信相信》。

新歌拍埋MV。

去年参加《中年好声音》成功克服社恐。

第一届《中年好声音》冠军周吉佩、亚军李佳及季军罗启豪发展唔错。

《中年好声音》刚一周年，「中1生」约埋聚餐。

怕犯家规大学前禁粗口

回想当年社恐严重时期，罗启豪睇过心理医生及接受催眠治疗，但状况更差，行一步退两步，完全帮唔到手：「最记得8岁时妈妈叫我喺宴会上，对住几百位uncle、aunie唱歌，我匿喺枱底惊到想死，父母都冇我办法。」他相信性格内敛跟家庭因素有关：「父母喺我成长过程中特别注重礼仪，尤其餐桌上，屋企人讲嘢斯文有礼，亦唔识得嬲人及闹人，以前经常被朋友利用。由于讲粗口系犯家规，所以读大学后才敢讲粗口发泄情绪。」

家住半山嘅罗启豪，家教好严，唔俾讲粗口。

黑粉斥FC掠水消费歌迷

正当「豪吧」(歌迷会)成立一周年，唔识得嬲人的罗启豪都俾黑粉激到有啲火，不吐不快：「有几位犯咗规俾Admin踼出会嘅『豪壳』(fans)怪我冇出声，所以发脾气怒剪会服后，呢几个月keep住用10多个假帐户，喺网上群组疯狂出po抹黑我及Admin负责人，唱我哋掠水，指《相信相信40+1音乐会》$680门票太贵；又弹制作电子MV书送畀DJ做宣传系搵Fans笨，消费歌迷啲钱…就算呢年来FC营运得有声有色，仍被针对攻击，留言忠告『中2生』唔好将FC搞成『豪吧』咁。」罗启豪呻到停唔到，「仲会轰我经常将社恐话题挂喺口边，留言『你唔闷我都闷啦！』又踩多一脚斥我唱歌得一个tone好闷，被形象相似嘅谭辉智挥低、甚至挖埋皮肤病嚟讲。」

罗启豪近半年喺咁被黑粉狙击。

又指他被谭辉智挥低。

弹埋新歌。

黑粉不停喺网上恶意抹黑。

去年底罗启豪在麦花臣举行处男个唱，最高票价系$880 。

做偶像唔容易，要娱乐歌迷仲要花心力照顾佢哋感受。

王智德FC因内讧被逼停运，换届重新开始。

Alton(王智德)的FC又因内讧被逼停运。

幸而卢瀚霆、姜涛未受fan事件伤兄弟情。

就「姜神」Fans冲突事件，姜涛开直播道歉。

望跟辉智组兄弟班切磋

启豪澄清其实「豪吧」从冇收会费，「豪壳」系可自由选择参与活动。不过，嬲嬲猪嘅启豪忍唔住为真歌迷发声：「我啲Fans好高质，佢哋从来唔会抨击战友，大家互相扶持，唔会比较。」他坦言见到恶意中伤会唔开心及心痛，只能提醒自己尽量做好本分，唔好受到影响，更有感而发：「因为呢类人，令到有啲FC都要停运，其实经营FC系唔容易嘅事，只要大家对Admin肯包容多啲，会好好多。」对于Fans争风呷醋，他无奈笑说：「可能呢个只系头盘，𠵱家仲要好好学习。不过，既然黑粉咁唔锺意我，奉劝佢哋搵锺意嘅歌手嚟支持，人生有咁多烦恼，唔开心嘅嘢唔好睇，无谓令到自己更加唔高兴。」谈及「中2生」出道，启豪坦言会分薄机会，唯有自制机会：「希望组成『靦腆兄弟』，跟背景相似嘅谭辉智切磋吓，辉智好劲，适应力比我更快。」