星8卦｜「乖乖」大红搵钱 「长辈」同经理人嘈分钱出粮自己使

「乖乖」其实真系一个天生舞台表演者，可以话系近10年比较少见。有名大家叫，佢确实系几乖同好生性。不过唔知系咪每个屋企都有人生性就有人唔生性，而且仲系长辈𠻹。「乖乖」嗰位「长辈」都好亲，但份人比较浮躁同贪心，自从「乖乖」开始搵钱之后，佢直情唔再做嘢，跟出跟入非常讨人厌。

话说当日突围而出，「长辈」完全控制唔到咁喺大家面前高叫今次发达喇。侧边啲人见到，即刻戥「乖乖」凄凉，又系另一棵摇钱树，好似当年「阿姐」咁，全家人净系喺佢身上攞钱，搞到佢成日好抑郁。

「乖乖」 而家都搵到一两层楼，经理人梗系心水清，唔敢乱出粮，「乖乖」就好惨，日日做夹心人。「长辈」好唔客气日日追钱，觉得经理人系债主，欠自己好多钱，但呢啲例子，喺娱乐圈见惯不怪，经理人想「乖乖」留番个钱喺身边，亦不时提佢唔好乱信人，因为搵钱机会唔系一定有。可惜「乖乖」自细睇开「长辈」面色，唔敢逆佢意，最终有三分二嘅钱都落咗「长辈」手中，「乖乖」呢几年可以话系白做，经理人都无办法，唯有尽量帮佢留啲喺身边，将来帮到「乖乖」生活啦！

 

相关文章：

星8卦｜「叠叠」嫁错老公 搵到金主即离婚自救

星8卦｜「笑笑」「乐乐」为争仔出高价搞到反面 「俊俊」吊高卖怕得罪人

星8卦｜「标致」迫「阿叔」攞名份失败 转沟「西哥」玩激将法

《星岛申诉王》推出全新项目「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰https://bit.ly/3uJ3yyF

想睇更多精彩内容，请立即浏览「区区有申诉」活动专页，https://bit.ly/41hgS9E

紧贴最新最快新闻资讯，请立即下载星岛头条App：https://bit.ly/3Q29Vow