「铁板神算」董慕节逝世丨黄玉郎形容似「神仙」 相交40年批中多件大事：连我会断六亲都好准
2024-04-23 16:15 
被誉为「铁板神算」的董慕节离世，享年101岁。董慕节早在上世纪 50 年代就开始以「铁板神算」帮人算命，先后为不少名人批命，当中包括有黄沾、倪匡、刘嘉玲、张国荣和梅艳芳等等，在80年已经找董慕节批铁板神算的黄玉郎，因曾准确批中多件大事，黄玉郎直言：「神仙一样！」
相关阅读：「铁板神算」董慕节逝世享年101岁！上世纪极受明星追捧 倪匡曾斥胡说八道最后被吓窒
漫画界殿堂级人物黄玉郎昔日工作相：
黄玉郎形容董慕节是「神仙一样」
对于董慕节的离世，黄玉郎接受传媒访问曾说：「怀念佢，福寿双全，我永远都会好感谢佢咁多年嘅指点。佢嘅为人好随和，好似个儒者一样，有文化修养，好慈祥，又好似尊佛咁，光头又肥肥哋。」在80年代，黄玉郎的大弟子祁文杰跟董慕节是谊父子关系，所以与董慕节早在认识，黄玉郎说：「我哋叫佢董伯伯，嗰时我对命理好有兴趣，听到可以搵佢算就梗系去啦！佢当年已经有好多人搵佢，佢为人好低调，唔系搵上门就会帮你数，而系要人客、熟人介绍。嗰时排期一两月就见到，到后来就要成年先得。」
黄玉郎形容董慕节是「神仙一样」：「如果我听晒佢话，唔止而家嘅成就添。举个例子，佢打算盘，佢台面有几十本书，每本有一千句，佢嗰时打咗十几分钟一路都唔啱，直到有一句话系我出世迟咗成个月。因为我系内地出世，打返畀阿妈问，阿妈先话我真系迟咗一个月。第二句开始就讲阿爸阿妈咩生肖，兄弟亲人又系咩生肖。22岁结婚，所有嘢全中，连我会断六亲都好准。」自此之后黄玉郎和「董伯伯」建立了深厚友谊，不时拜访董伯伯。
「铁板神算」董慕节离世：
董慕节曾批黄玉郎「十住不得」
其后玉郎集团上市，黄玉郎称未上市之前曾搵董慕节批算说：「嗰阵系86年我30几岁，公司搞上市问佢得唔得。佢批咗『熙熙攘攘万户共』，即系意思上市好热闹。结果，当年公司上市都系二，三千人申请，我嗰个真系有一万人申请。佢非常准确，神仙一样！多谢佢提醒晚辈，只不过佢叫我唔好去做，我就偏去做。」早年黄玉郎亦曾在访问称看完铁板神算后，有几个数字是买不得和住不得，黄玉郎说：「有一次我去浅水湾睇新屋，觉得好正，可以睇晒浅水湾嘅海景，直头系自己嘅梦想，而且价钱又唔系好贵，唯一唔好嘅系『十」字。」
原来当年董慕节曾批黄玉郎「十住不得」，本来黄玉郎放低了这件事，殊不知有朋友认识这间屋的业主，声称可以减少少价钱出售，结果又勾起了黄玉郎的心愿：「我觉得唔怕呱，咁我咪买落嚟，点知原来呢啲系好玄妙嘅事，原来一个号码，系咪可以将我所有嘅嘢归咎入去？我心里有数。」黄玉郎在85年买入价值七百七十万浅水湾丽景道「十」号独立屋，本来黄玉郎当时身家在最高峰时曾达港币20亿元，但87股灾令他损失惨重，不单令黄玉郎失去了玉郎集团，还要面对因过份投资股市而欠下的巨债；他在发生股灾后不甘认赔损失，因造假账而身陷囹圄。
其他文章：
「铁板神算」董慕节逝世丨传刘嘉玲曾被批今生跟三虎纠缠不清 林青霞老公早被指娶天仙美女
「铁板神算」董慕节逝世丨张国荣曾被批「好到37岁」 梅艳芳传被算必嫁外地人？
「铁板神算」董慕节逝世丨外孙张存华做过主持转型任公关 2017年传密会麦明诗
-------------------------------
《星岛申诉王》推出全新项目「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰https://bit.ly/3uJ3yyF
想睇更多精彩内容，请立即浏览「区区有申诉」活动专页，https://bit.ly/41hgS9E
紧贴最新最快新闻资讯，请立即下载星岛头条App：https://bit.ly/3Q29Vow
最新回应