东张西望丨天瑜爸爸梦见健康女儿挥手说再见 哽咽道别：期望天堂再见
2024-04-20 21:30 
因医疗事故变成植物人逾3年的8岁女童周天瑜，上月10日不幸离世，今日天瑜爸爸为她在钻石山殡仪馆设灵，并设公众吊唁。天瑜爸爸今早接受《东张西望》访问，提到天瑜离世后曾梦见女儿，期间更一度讲到哽咽。
相关阅读：东张西望丨天瑜爸爸澄清无决定为女拔喉！含泪回想丧女一刻：佢好用力睁眼望我哋
东张西望丨天瑜爸爸送别爱女：
天瑜爸爸透露，现时心情已经平复了不少：「佢走咗开头几日，心情起伏会大少少，之后我哋都好快消化咗呢个消息。上年年底医生同我哋讲佢身体开始转差，我哋都有心理准备，而且我哋觉得已经咁多年睇住佢咁辛苦，咁嘅结果可能对佢来讲系一种解脱。」
不过天瑜爸爸表示，仍然系挂念女儿：「好挂住佢，成日睇佢啲相。」天瑜爸爸更表示曾梦见过女儿两、三次：「印象最深刻一次系，佢离开大概三日，我梦见佢坐一架男色嘅巴士，系天上面飞过，嗰时有两个佢企喺巴士最后，挥手同我讲Bye bye，一个系病咗、无头发嘅佢，一个系健康嘅佢，扎住孖辫，好得意咁企喺度，两个佢好开心咁同我bye bye，我印象好深刻。」
天瑜爸爸续言：「醒咗之后，我真系两行眼泪，喺度喊晒，好唔舍得。不过起码梦入面，觉得佢系好开心嘅一个道别，可能我心理上都会觉得佢特登嚟同我讲bye bye。」
天瑜爸爸表示：「以前喺佢床边，每日都会同佢讲，我哋身边发生咩，今次我哋都最后一次同佢讲，爸爸最近生活，都话畀佢听我身体状况系点，话畀佢听我哋会永远挂住佢，唔会忘记佢，同埋我好期望喺天堂见到佢。」期间天瑜爸爸更一度讲到哽咽。
身患癌症的天瑜爸爸又透露目前病况已好转：「报告唔错，以前发现癌细胞嘅地方，例如手臂、肺部都已经冇晒癌细胞。」而现今天瑜爸爸最大的心愿，就是希望家人生活能够回复正常：「从2018年阿女患癌开始，我哋屋企生活已经乱晒。」天瑜爸爸亦表示对医管局、玛丽医院的不满说：「虽然佢人走咗，就系因为人走咗，到而家医管局、玛丽医院对呢件事都冇合理解释、满意交代，我觉得系唔能够接受。」
其他文章：
东张西望丨黎宽怡亲回风化案KOL个案4大疑问 无惧恶评为受害少女平反：绝不后悔
东张西望丨风化案KOL落马洲离港被捕！直认曾性上瘾逾200性伴：有时一日两个
东张西望丨女神黎宽怡全副武装清垃圾屋！惊见「曱甴王」巨鼠 险被砸中超惊险
东张西望丨内地导游推介黄家驹坟前打卡！乐迷炮轰不尊重 连游客都唔支持
《星岛申诉王》推出全新项目「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰https://bit.ly/3uJ3yyF
想睇更多精彩内容，请立即浏览「区区有申诉」活动专页，https://bit.ly/41hgS9E
紧贴最新最快新闻资讯，请立即下载星岛头条App：https://bit.ly/3Q29Vow
最新回应