陈慧敏首搞Show超吃力:赞助都要自己倾林夕歌词好到肉失恋喊住录歌丨独家

2024-04-19 06:00

陈慧敏推出新歌《拯救我自己》，兼宣布5月举行演唱会《趁我们还有___ 2024》。新歌再次邀得林夕填词，她称是再次掴醒自己之作，而她录音时刚跟前度分手，搞到要喊住唱。由于是慧敏哥成立个人工作室后首办的演唱会，她强调压力虽大，但亦是学习的良机。采访：杜杜发型:Aveda il Colpo : Kin

逆巿开骚的慧敏哥自觉好勇，但好想现场跟歌迷分享音乐。

35岁慧敏哥对爱情依然勇往直前，但经历令她学识保护自己。

逆巿开骚的慧敏哥自觉好勇，但好想现场跟歌迷分享音乐。

慧敏哥感激夕爷再度出手相助，亦惊讶对方每次都要她学习新课题，「收到歌时，我拍紧拖，嗰时唔觉得需要拯救自己！因为喺热恋期都有啲担心，惊进入唔到失恋状态，点知录音前嗰日，就同Long D男友分手，好邪！」她最初带住愤怒情绪录音，因歌词「谁认可给你有权对我褒贬」好好发泄，但再沉淀再录就喊出来，「唔系对方令到我几咁伤心，系夕爷嘅词提醒我要好好反省，好多被虐或受伤都系出于自愿，系我畀权对方对我褒贬。」她形容夕爷上次《十年如一日》掴了她一巴，今次掴了两巴，从而学识在一段关系中不要失去自我，「仲会唔会一秒沉船？我系相信直觉嘅人，应该仲系咁勇敢，但提醒自己唔可以为对方改变太多。」

新歌《拯救我自己》，由陈考威作曲及林夕填词。

《拯救我自己》MV，搵来唐浩然自编自导自演。

继2019年危地马拉籍男友P先生后，慧敏哥去年再谈Long D情。

The Hertz任音乐总监

演唱会主题《趁我们还有___ 2024》玩填充，是慧敏哥睇到大家经历几年疫情有感而发，「面对咁多生离死别会谈论失去，会讲以前点，𠵱家冇咗、变咗，情绪同气氛咁忧愁，有咩可以令大家好啲，有咩我哋需要珍惜同捉紧。」今次她首度邀请乐队The Hertz任音乐总监，「佢哋系好有想法嘅乐队，我好期待。」由于是她成立个人工作室后首次搞骚，她觉得相当吃力，但亦视为学习机会，「大小事都经我，连赞助都系自己倾，有少少意外会咁吃力，有啲嘢真系做唔嚟要交畀人，呢个系最大挑战，以往我好锺意自己解决问题，点样令到大家互相配合，系好值得学习！」