专栏｜足球系最好的朋友

刚刚过去4场嘅欧联赛事，小弟都有睇足，第一日自己睇而第二日就同成班朋友一齐睇，两种睇波嘅方式都令我有唔同嘅体会。

第一日阿仙奴对拜仁，两队波发挥都唔系自身顶级水平，阿仙奴今季稳健嘅发挥，强劲嘅防守，但因为太耐冇参加过欧联，而见到一啲球员脚震，大卫拉耶和积及基奥柯都略显紧张，导致失误令对手把握到机会；而拜仁一方正是褪色嘅强队，尤其系左闸位置艾方素戴维斯今季一场好波都冇，整体表现都浮浮沉沉，更加被沙卡仔打爆咗。一个人睇波就系会注重喺细节同埋战术嘅部署，会更加享受自己一个人激情，拍条Reel同大家分享下感受。

第二日巴黎圣日耳门对巴塞，两队波可以话都好高质素，只要有一个机会就可以入波，基利安麦巴比同奥士文尼迪比利嘅组合都系表现出好高质素，一个人可以吸引2、3个对手，拉芬夏比洛尼成场波发挥得好好，仲可以梅开二度。但一班人睇波就系开心，会不停睇唔同比赛一齐嗌、一齐笑、一齐叫、笑下你、笑下我，一大班人一齐食住嘢睇好波。

足球嘅本质就系咁，各有各享受，一个人睇波可以好Enjoy，好似球迷咁感受场波。而一大班人睇波，就系大家笑下大家，最后都系要老套讲句：「足球就系最好嘅朋友。」Willhappy

-----

《星岛申诉王》推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰https://bit.ly/3uJ3yyF

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ