42岁吴慷仁8年狂为角色增减磅知惊收手 《但愿》演吸毒阿伯一个月速减22磅超伤身丨独家
2024-04-12 07:00 
金马影帝吴慷仁主演、祝紫嫣执导电影《但愿人长久》，在周日（14日）举行的金像奖获4项提名，包括最佳男配角及新晋导演。慷仁为接演年老父亲「林觉民」一角牺牲好大，狂减22磅，又在街头留连成个月学瘾君子及阿伯行路姿势。不过8年来6次为角色增减磅，全程以广东话受访的慷仁承认担心身体负荷唔到，以后会转换方式，「42岁嘞，唔可以成日咁样。」采访：杜杜 摄影：Stanley 发型: KeithWong(慷仁)、DennisTsui(祝紫嫣)@ArtifyLab 化妆:ShuenKong(慷仁)、Kyo Lee(祝紫嫣) 服装:Dunhill(慷仁)
2008年，吴慷仁由模特儿转型演员，首部电影《渺渺》的监制正是关锦鹏，成为祝导成功邀他合作《但愿人长久》的契机，祝导称，「系联合监制（李）骏硕提议先，慷仁睇到剧本，再睇到监制系关导，更加有兴趣。」虽然42岁的慷仁跟老年「林觉民」有段距离，但祝导仍决定用他，「慷仁都有问点解唔搵50岁嘅演员，年龄上接近啲演起嚟有说服力，我好锺意睇以前嘅日本戏，小津安二郎《东京物语》笠智众都系50几岁演70几岁，冇话受年龄限制。」
史上最亲力亲为影帝
《但》是祝导半自传式故事，问到慷仁是否有特质跟祝爸爸相似？慷仁即尴尬笑，祝导亦笑着否认。开机前1个月，慷仁已来港做准备，祝导完全估唔到，「佢早多一个月嚟，话要闻香港嘅气味。」祝导更惊讶慷仁亲力亲为做资料搜集，「佢真系不停行路，睇啲戒毒所，去深水埗嘅公园，啲櫈后面全部老鼠，拍摄时临时演员都要场务清理咗先肯坐，但慷仁会喺度打趸，夏天喺度坐成日，好多演员讲做调查，好少人真系亲力亲为，其实要睇一两日已经睇到，但要做到神似形似，真系呃唔到观众。」祝导又大赞跟慷仁的首次合作大开眼界，「演员做咗咁耐戏，多多少少会有啲油腻感，但佢冇罗！佢谢票时见到灯光有问题会冲过去整，连谢咗3场票，我话演员攰不如走先，慷仁就话唔紧要仲揸机帮全部人影Selfie，佢系个好有工作人员思维嘅演员，仲要冇经理人喎，令我哋沟通嘅透明度好高，第1次见演员咁厉害，最紧要同佢倾偈冇架子，呢个真实，系『林觉民』好需要。」
搭地铁跟阿伯学行路
慷仁解释一直没信心演到年老时的「林觉民」，所以才要求早一个月来港准备，直到试造型，大师级的张叔平给了他不少信心，「第1次定妆，发现他们的表情，觉得可以喎！阿叔都咁样讲，系咪都要相信自己做得到。」形体方面，慷仁就靠在香港不断周街走作观察，「搭地铁见到个老人家，行得好快，差啲追不到他，跟着他出闸及走路，跟着跟着我就同他的姿势一样，其实有点好笑，有人在后面学他走路姿势。」为了更似长期吸毒者，他用不足1个月由136磅减至114磅，他笑言在港的日子特别辛苦，「多留一个月就多一个月嘅痛苦，要唔食嘢。」其实由2015年开始，他多次为角色调节身形，分别为电影《白蚁：欲望谜网》从154磅减至123磅；2016年拍剧《麻醉风暴2》增肥至187磅演假释出狱；2017年拍偶像剧《极品绝配》减26磅；2017年拍剧《斯卡罗》减24磅；2020年拍电影《我没有谈的那场恋爱》增44磅，他承认担心身体不能再负荷，「依家身体唔系差，但可能之后唔会变化咁多重量，依家老咗42岁嘞，唔可以成日咁样，有经验就好啦！」
直觉冇机会再拍港片
慷仁深明演员要遇到好剧本唔容易，既然很喜欢《但》片剧本就决定接拍，「每次演戏，剧本唔一定锺意，有时你系锺意个导演，有时可能某个非常出名嘅演员喺里面，有时公司叫你去。」他称能来港拍戏机会难得，所以份外珍惜，「我觉得《但愿人长久》可能系最后一部，上次《非分熟女》都4年前，咁耐先一部香港电影，下一部几耐呢？每个机会都好重要。」2019年他宣传《非分熟女》时接受本报访问，直认恨拍港产片，这次访问他差不多九成用广东话对答，「我都有谂过，点解香港人需要畀机会我演香港人呢？下部戏可能唔会有湖南话，全部广东话我做唔做得到？我唔希望我讲广东话演戏，俾人觉得你唔系香港人，讲广东话咁辛苦，讲返普通话啦，要怎样克服，表演看起来舒服，是个几大的课题。」
一提演员女友即嗌Cut
电影获提名金像奖新晋导演、最佳男配角、最佳新演员及最佳服装造型设计，祝导表示对个人奖抱平常心，「今年新导演全部都好厉害，我作为导演更加高兴系演员提名，无论（谢）咏欣、慷仁或者造型都好有信心，就算冇攞奖，佢哋喺我心目中都系无可代替。」慷仁同样以平常心看待提名，更兴奋可现场看颁奖者的妙语连珠，「有得参加金像奖就好开心，我好锺意睇颁奖人讲话，真系好幽默，真系笑到我呢，咁样都可以讲，希望今次好笑，有啲幽默嘅嘢畀我学吓。」他为免给自己压力，出席任何颁奖礼都不准备谢词，「得奖感言想太清楚，得失心会多啲，如果唔谂会轻松啲，多谢边个边个都知㗎啦！」去年在金马奖封帝时，他忘记在台上感谢女方要去到后台补飞，笑他这次记得多谢台湾演员女友邵雨薇，他即面露甜笑：「哎哋！cut！哈哈！」
《星岛申诉王》推出全新项目「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰https://bit.ly/3uJ3yyF
想睇更多精彩内容，请立即浏览「区区有申诉」活动专页，https://bit.ly/41hgS9E
《星岛头条》新网站有更多精彩内容：http://www.stheadline.com/
最新回应