卢宛茵不被尊重掟毛巾泄忿：去死啦怒呻拍剧被导演玩演员袖手旁观丨独家

2024-04-09 07:00

71岁老戏骨卢宛茵(Madam Lo)在TVB剧《隐门》中获赞连眼眉都有戏，不过，继被后辈教做戏后，Madam再度不吐不快，怒呻拍剧时被导演不留情面笃住闹「你睇吓你啲戏？」惨被玩足5日的Madam，最后爆Seed掟毛巾，吓呆全厂人。受委屈的Madam讲返件事仲好嬲，自嘲废老非常无奈：「𠵱家捧后生，主角又唔闹得，啲老嘢变咗发泄牺牲品。」满肚怒火的她坦言唔会向高层曾志伟反映。采访：方骞平摄影：邓国良

Madam Lo热爱演戏，同时慨叹遇到好演员、好剧本及好嘅幕后人唔容易。

Madam示范当日掟毛巾动作。

卢宛茵怒呻不被尊重详情。

卢宛茵做咗半世纪戏第一次大发脾气。

导演笃住她的大头镜头喺咁闹她戏差。

真系是可忍，孰不可忍，嗰刻谷气到爆。

TVB「御用妈妈/奶奶」卢宛茵阅历丰富，后生时省镜兼略懂日文，力压其他应徵者成为日资公司文员，之后嫌份工太闷转投幕前，Madam回望过去：「嗰时大把人追㗎，包括有一间大型日本电影公司高层，哈…如果我唔系入咗TVB，好大机会嫁咗去日本。」

Madam年轻时系索女，但她只会吼有学问及事业型男士。

年轻时Madam系索女。

Madam欣赏前新闻王子前夫何钜华有学识，好叻仔。

年轻时同甘国亮合作过。

73年无綫电视剧集《朱门怨》剧照，(后排)吴浣仪(左2)、卢宛茵(右2)、伍卫国(右1)。

同郭晋安合作拍《戆夫成龙》。

仲有《阿旺新传》。

跟姜皓文拍《铁探》七情上面。

当年和李婉华拍《卡拉屋企》深入民心。

同农夫拍《智能爱人》。

有份拍《BB来了》。

Madam演乜似乜。

演技多面化。

唔明拍剧点解要露股

热爱演戏的Madam处于半退休心态，跟TVB一年签一个剧过吓戏瘾，唔想咁辛苦，更慨叹遇到好演员、好剧本及好嘅幕后人唔容易，她有感而发：「我唔系弹，但见Facebook弹出啲精华片段，唔明点解拍剧，演员要拍到剥衫露股？可能𠵱家要咁样嚟吸引观众，但我觉得只要剧本好，冇咁嘅必要喎；演员系演戏，无需要剥晒衫去演，做乜要搞成咁？除非系拍三级片，我睇到搲晒头冇睇落去，要睇呢啲西片大把啦！」问到最想跟TVB哪位小生花旦合作时？Madam大笑一轮后表示未谂到，她最想跟实力派叶德娴、苏玉华、罗冠兰及梁朝伟合作，又想拍许鞍华的深度电影。

剧集《婚后事》中黎诺懿露股演出，跟「真空」的赖慰玲鸳鸯戏水。

TVB剧集《婚后事》中罗子溢、陈自瑶亲热戏。

罗子溢、陈自瑶好肉紧。

陈炜徐荣「食花生」

Madam指𠵱家(做演员) 身不由己好惨，月前拍王心慰监制的新剧《非份之罪》其中一个单元时受咗委屈：「Day 1开始，导演就挑剔及针对我，我忍咗5日。」Madam举例：「我做做吓戏，佢好不满咁话『点解个样冇乜表情？』叫我加啲戏，不断重覆话『睇你个样？睇你个样？』我反问『系咪要大夸？睁眉凸眼嗰种呀？』仲温提佢，咁样可能会撞声(收音)，佢就答唔出话，咁我咪唔睬佢；又试过好大支嘢搵PA召我过去睇Playback，我怕佢乜啫，行埋去就问『点呀？』佢就唔客气咁话『睇你呀？睇吓你啲戏？』然后对住我个大特写画面，做咗个扭只手手势，再加句『啲戏唔系咁做㗎嘛！』算！我都系忍。」

月前Madam拍新剧《非份之罪》好受气。

剧中Madam跟徐荣做两母子。

Madam呻到停唔到，「最好笑最嬲一次，剧本系写设局，我被家佣泼水，好让饰演新抱嘅陈炜有机会甩身走人，咁我就追上去话『你咪走你咪走…』但导演竟然无理取闹，叫我企定定畀陈炜走，黐线！完全唔合情理，佢根本就冇演戏细胞，我嬲到几乎爆粗，反问『你想点呀？完全唔啱嘅，系咪企喺度，温柔叫陈炜你咪走呀？』真系是可忍，孰不可忍，嗰刻谷气到爆，随手就执起条毛布掟出去，然后加句『去死啦…』，火遮眼到都冇谂过掟边个，当时全厂静晒，气氛变僵。」她直言在场嘅演员陈炜、徐荣都唔出声：「个个喺度『食花生』，事后亦当冇事发生，扮唔知及睇唔到，当时只有一位助手好醒目咁上前，搭住我膊头拉埋我一边解围，否则唔知点收科。」最后Madam有拍埋场戏，但返屋企同仔女商量完，决定向监制王心慰投诉：「王心慰第2日马上入厂安抚我，咁𠱁完咪做埋佢罗，反正得返好少戏份。」

陈炜(炜哥)、施焯日为TVB新剧《非份之罪》试造型。

徐荣及炜哥合作愉快。

徐荣、李家鼎、陈炜等拍《非份之罪》。

唔敢向曾志伟反映

Madam第一次发脾气掟嘢，她越谂越嬲：「我做咗半世纪戏畀你咁话？当年导师King Sir(锺景辉)、梁天都唔会咁话我啦，有时做戏唔使七情上面...拍呢套戏辛苦到我呢，亦提醒咗我日后接戏要睇埋幕后班底。」及后 Madam和朋友分析过，觉得𠵱家公司捧新人，又唔可以向主角陈炜开刀，只能闹啲老嘢，就系「睇吓你做得几耐？」问到可会向高层曾志伟反映？Madam却耍手拧头：「我点敢搵佢呀。」