炎明熹生日前夕推新歌献出第一次 出动真眼泪与男主角头贴头
2024-04-08 16:45 
炎明熹（Gigi）明天（9日）将踏入19岁，生日前夕她推出全新作品《还有一艘救生舱》，今次新歌采用了全新班底炮制，曲、词由KW朱敏希包办，编曲及监制有小彤赖映彤。Gigi说︰「系一个全新嘅合作，好开心可以喺佢哋身上学习更加多嘅嘢，当我第一次听到呢首歌嘅时候，第一个反应系『嗯！呢首歌，好听！』，同埋我好锺意份歌词，虽然只系一份DEMO词，但我决定原汁原味保留，因为个内容好打动到我，我仲系第一次睇歌词睇到喊。」
对新歌「一听锺情」，Gigi更首次大胆地向监制提出编曲上的想法，她说：「因为歌词有提到外太空，所以我将几个意见话咗俾小彤听，尤其我想喺首歌嘅前奏部份，俾人一种好辽阔同空旷嘅感觉，小彤都做到，好感谢佢接受我嘅意见。」除了首次参与编曲，Gigi更加在MV里奉献了多个第一次。今次MV的故事讲她与男友长期分隔异地，但对方却背著她另结新欢，事件最终被Gigi发现，令她心如刀割。导演要Gigi拿著手提电话，幻想与男主角对话，此时Gigi的泪水决堤式滑落、双唇不自觉地抖震，呈现了被感情出卖的那份痛。她说：「开拍MV前，导演已经同我讲咗一次个故事，虽然我冇经历过，唔可以话身同感受，但至少拍MV时俾到我一种缠绵、开心、幸福嘅感觉，当然我哋嘅男主角 Timothy好带动到我入戏，我亦冇谂过会喊到出嚟，平时一系喊唔到，一系就谷住咗，feel到要喊，但又冇眼泪，所以今日系好幸运嘅一天。」
炎明熹自认笑点低忍唔住笑
除了以上因素，原来当时手机显示的时间，也触动了Gigi的泪线神经。她说：「其实手机都有好大嘅帮助，因为当我想打电话嘅时候，个时间咁啱系『520』（国语：我爱你），所以一望到就喊。」Gigi说：「第一次拍MV泪崩，也是Gigi第一次拍MV与男主角如此亲密。虽然新歌是一首悲惨情歌，但导演加入了大量二人甜蜜的拍拖画面，包括在无人的街上拖手拥抱、在电话亭互喂蛋糕，还有到游乐场玩滚轴溜冰，但最搞笑是原来Gigi与男主角Timothy从未玩过滚轴溜冰，两人根本举步难行，更遑论要在镜头前谈情说爱，最后导演让他们脱去溜冰鞋，穿上袜子在场内「扮溜冰」，两人才松一口气，在镜头前展现头贴著头的甜蜜画面。Gigi说︰「上次拍《Only For Me》MV跳华尔滋，我觉得已经同男主角好近，估唔到今次更近，算系一个新尝试，同埋大家投入咗喺戏入面，所以唔会觉得尴尬，或者有唔舒服嘅地方。」
至于在拍摄时，不时见到Gigi忍不住笑，她解释：「其实我笑点比较低，我忍唔住笑唔系因为尴尬，系自己搞到自己笑，例如刚才我见到男主角出轨嘅讯息，对方留言话：Do You Want Me？再加埋个心心emoji，我一见到就笑咗，觉得好肉麻，同埋我平时影相，啲人叫我俾心心，我系唔会做，因为俾心心我觉得有啲尴尬，所以刚才一见到就笑咗出嚟。」未拍过拖，但要在MV内代入一段Long D关系，Gigi于是问人什么是Long D，她笑说：「原本我唔知系乜，但我问过人，原来系一段异地恋嘅关系，我唔知自己将来会唔会接受，但暂时我觉得系可以接受，因为未经历过呢种情况，可能都系一个好处，因为日日见好快会厌，但隔一排再见就可以有新鲜感，大家不妨留言话我知，分享你哋嘅故事俾我听。」
《星岛申诉王》推出全新项目「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰https://bit.ly/3uJ3yyF
想睇更多精彩内容，请立即浏览「区区有申诉」活动专页，https://bit.ly/41hgS9E
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应