星8卦｜「巴闭」欠债被告 情愿使律师费坚持唔找数

只要你够胆，唔少女人生存自有道。「巴闭」最近有单官司，但因为对方好低调，所以无乜俾人报道。告乜？告佢唔找数罗，几百万啫，唔知点解搞到咁大镬。最重要「巴闭」用咗呢间公司好多年，但原来每次找数都系要等。等乜？咁上下时间，张单出咗，你唔使追嘅，自然有啲男人会打嚟，「喂，呢条数你上嚟我公司拎啦！」通常都系三几百万，唔使太耐，两个月就收到数。

所以几年嚟大家都相安无事，初时大家都觉得奇怪，点解次次都系唔同男人嘅？久而久之终于明白一个道理，边个想同「巴闭」有下文，就帮佢搞掂一啲数先，「巴闭」自然会满足呢啲男人嘅要求。成个过程都系买同卖啫，「巴闭」今次就拖咗半年咁耐，公司每次搵人都由助手出嚟挡，人哋真金白银帮你找数，「巴闭」就要等男人出手，呢几年大家手头紧，呢个男人都唔知去边度搵，拖咗成年，咪惟有上法庭罗。

但「巴闭」总系搵到好多奇怪理由觉得自己唔使找数，连个官都俾佢激到傻眼，单嘢再拖落去，「巴闭」都要使律师费，劝佢不如大家倾掂，找一部份数都好过两边使钱，但佢就系觉得自己无错至奇怪！

 

相关文章：

星8卦｜「好命」独力养家几亿身家 再嫁低调扮穷做大赢家

星8卦｜「甜甜」单亲影响 专撬人哋老公博白头到老

星8卦｜「假人」恨出头靠合照乱放消息 自抬身价犯众憎

《星岛申诉王》已推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰ https://bit.ly/3uJ3yyF

想睇更多精彩内容，请立即浏览「区区有申诉」活动专页，https://bit.ly/41hgS9E

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ