「鬼王」潘绍聪狠批中年男歌手疏于练习唱到出晒事 Zen前主音黄和兴无意返港再战乐坛

2024-04-02 06:00

「鬼王」潘绍聪(Edmond)日前到大马拍网台节目，Edmond到步后即搵来已移居当地6年嘅老友，90年代乐队Zen主音黄和兴到甲洞区食宵夜，齐齐打炭火边炉吹水讲吓鬼故。52岁黄和兴同太太Happy移居马来西亚，𠵱家喺大马做制作，商场展览就交由太太处理。居于大马豪宅区嘅兴仔谈到当地生活状况，他说：「因为生活指数唔高，如果租平民化嘅甲洞区，2500马币(约4100港元)已能租到1200-1500尺单位，仲会包埋两个车位，真系返唔到转头；呢度入油又劲平，打爆一部日本车仔只系50港元，全新国产车只需8万多港币；较好嘅基本身体检查只系500马纸(830港元)。」

「鬼王」潘绍聪去到大马即搵90年代乐队Zen主音黄和兴，到甲洞区食宵夜。

蚬煲及两人话题都好吸引。

两人由鬼故讲到生活。

黄和兴好适应当地生活。

潘绍聪、黄和兴喺甲洞食炭火边炉，用炒蚬及上汤做锅底。

睇到嘅香喷喷。

黄和兴已习惯大马生活。

黄和兴唔打算为该位中年男歌星搞大马骚，笑言留畀啲有热诚做演唱会嗰啲搞啦。

潘绍聪对该位男歌手表现表示失望。

虽然唔少网民期待Zen再次合体演出，但兴仔就坚决婉拒再唱，解释因为多年前在内地浸在冰湖拍戏时冻伤过，搞到发高烧搞坏咗把声，𠵱家把声烂晒开始失控，而且年纪大，已冇体力配合到咁有力气嘅歌，好易会出事。

(左起)乐队组合Zen成员郑伟鸿(低音结他手)、黄和兴(主音)、邓明辉(结他手)。

乐队组合Zen主音黄和兴、低音吉他手郑伟鸿、吉他手邓明辉、及鼓手关礼琛和幕后老友造造合照。

乐队组合Zen出过几张唱片。

6年前黄和兴为无綫电视节目《流行经典50年》进行录影。

黄和兴太太Happy之前喺大马商场内搞咗个鬼屋活动。

两公婆生活写意。

黄和兴和太太Happy住喺大马豪宅区，屋企有2000多尺。

黄和兴变型佬。

喺云顶遇上郑伊健。

仲有黄贯中。

兴你唔敢再战乐坛。

兴仔有班铁粉。

揞名男歌手疑似杜德伟

讲到唱歌出事，Edmond就揞名爆一件真人真事说：「有个(跟兴仔)同年代嘅男歌手，因为我从冇听过佢唱live，最近佢参与我朋友搞嘅一个学校慈善骚，听佢唱啲经典歌，唉，一听就阴功喇，唱到走样，我估佢系疏于练习喇。佢迟啲仲开骚𠻹，死喇！」Edmond畀贴士指该位男歌手当年曾红遍香港及台湾，而且好少歌手唱R&B，但姓氏就唔讲得，因为冇几多个有呢个姓，Edmond又忍唔住讲少少说：「有，两兄弟罗！」兴仔即八卦追问：「个名系咪有个有木字呢？」语毕又话：「佢都唔后生啦，有6字头，但仲keep 到个body嘅。」Edmond却反驳说：「咁学友呢？佢都6字头啦，仲唱到几十场喎。」Edmond唯一同意呢位男歌手外形冇出事：「但一出声就失望，因为系想听返佢啲回忆。」兴仔仲爆多啲啲：「呢度都有人问过我做唔做佢个骚？我就话留畀啲有热诚做演唱会嗰啲啦，哈...其实唱歌系要勤于练歌，佢有一段好长嘅时间冇唱歌，呢啲嘢好难搞。」Edmond希望男歌手可以重振雄风：「佢应该跳舞都仲得嘅。」巧合地，62岁嘅型佬杜德伟(Alex)上月曾参与母校圣保罗书院慈善活动，稍后杜德伟更到台湾开巡演，跟潘绍聪所讲的完全符合。