马德钟被嘲「胶」样大反击：眼耳口鼻郁到喎 55岁变回19岁磅数公开刻苦Keep Fit方法丨独家

55岁马德钟（马神）在《再见·枕边人》，跟「前妻」41岁黄智雯和「未婚妻」33岁张曦雯大搞3角关系。因为Keep得好拍档越来越后生，重提年前开始茹素急瘦现皱纹，被指「胶」样疑整容，马神即反问：「点样胶得嚟，笑起上嚟又多皱纹呢？！」。采访：杜杜 摄影：Stanley 发型:Sue Cheung K11 Musea Hair Corner

55岁马神讲嘢时有适量皱纹，绝对自然冇「胶」味。

55岁马神讲嘢时有适量皱纹，绝对自然冇「胶」味。

马神跟黄智雯和张曦雯再合作，觉得她们有很大变化，先讲2008年《东山飘雨西关晴》合作的黄智雯， 「《飞虎》（2012年）时佢做我手下，依家演技上成熟咗好多。」第3度合作的张曦雯进步更大，「我睇剧本时，佢个角色，咦！都几辣喎！要放得开演衰嘢，佢又完全冇包袱，演绎上已经好成熟。」

马神与细14年的黄智雯演过气夫妻，完全冇问题。

马神跟相差22年的张曦雯演未婚夫妻亦冇遗和感。

操强肌肉唔怕跌

几年前开始茹素急瘦的马神，现在精神状态更胜从前，连朋友都笑问他，为何女拍档越来越后生？他认为秘诀除了食植物性食物外，最重要够自律，「生活上够健康，不嬲唔食烟，依家完全滴酒不沾，每日唔系开工好密都会做运动，男仔又会着数啲，衬唔同年龄嘅人，又好似都可以。」对于急瘦变「胶」被指整容，他不怒反笑，「都觉得几好笑，有啲人话『你好胶』，有啲人又话『点解你笑起上嚟咁多皱纹』，点样胶得嚟，笑起上嚟多皱纹呢？！嗰时可能瘦，大家会觉得个样有啲分别，我又唔系好觉，咦！依家大家又觉得『佢啲眼耳口鼻又郁到喎』哈哈！咁就OK！」

马神虽然跟囝囝马在骧年龄相差30载，但身形一样fit。

马神和太太张筱兰、囝囝马在骧及其女友齐出活动。

身高183cm的马神，多年来磅数相差甚大，「依家185磅，系19岁时嘅磅数，食素之前差唔多200几磅，食素就即刻跌咗落嚟，变返18、19岁嘅磅数，依家啲肌肉系冇咁大，变咗好似瘦啲、削啲，有时间做返运动啲肌肉胀返啲，个人胀返，虽然磅数差唔多，但体质唔一样。」虽然已重回年轻时体重，但他依然未满意，「仲可以好啲，再fit啲，尤其年龄越嚟越大，肌肉量会流失好难keep，冇肌肉啲骨头支撑得唔好，跌一跌会好易有事。」

能重回19岁时的185磅，马神肯定花了不少努力。

能重回19岁时的185磅，马神肯定花了不少努力。

两公婆唔愿出街

剧中马神跟枕边人关系麻麻，现实就跟太太张筱兰，拍拖连结婚37年来一直恩爱，问到相处之道，「开心嘅，我哋好多嘢倾，咩都可以倾。」他又认为已年过半百，会更加珍惜身边一切，所以跟太太会如孖公仔一样出入，「冇乜时候唔系一齐，珍惜多啲时间同屋企人相处，我太太唔忙时，我去边做嘢都会同我一齐，好少plan旅行，锺意留喺屋企，我哋工作去唔同地方，工作之馀四围睇吓。」他又指太太处理任何事都出色，但都会分工合作家中大小事，「买啲乜嘢，点样整营养会够啲，佢系专家嚟，日常嘢佢好强，屋企漏水或者灯坏，啲车有问题就我嘅，大家好易配合到。」

马神19岁开始跟张筱兰拍拖，1993年结婚。

马神跟太太张筱兰去澳洲工作时顺道游览。

去年变回自由身的马神，一直有指他计划开个人工作室，他暂未揸定主意，更不排除签新公司，「我又未谂，内地、香港都有工作，外地登台都有，变咗都忙咪做住先罗！有公司大家倾到个方向好夹嘅咪再谂，方向未必啱嘅，签咗都冇乜作用。」他认为现阶段最重要做得舒服，希望工作和生活取得平均，「好享受工作过程，我觉得人生已经得到一啲嘢，我又冇话好大野心，工作需要平衡，工作之馀要有自己生活，呢个先系人生。」马神又称旧时工作是80%，根本不知自己做紧乜，「去太多唔同地方做嘢，同太多唔同嘅人合作，合作完可能好快忘记，好多风景你走过咗，系咪睇到嗰啲风景呢？！未必，依家要经过，要睇到啲嘢。」他更有打算做制作人，拍摄综艺节目，「想拍啲旧嘅社会同新社会建筑物嘅转变，我锺意呢啲嘢。」

早前马神与陈炜拍摄TVB新剧《非常检控观》。

马神在内地有不少演出机会，早前参与《粤菜好师傅》拍摄。

《星岛申诉王》已推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰ https://bit.ly/3uJ3yyF

想睇更多精彩内容，请立即浏览「区区有申诉」活动专页，https://bit.ly/41hgS9E

 

《星岛头条》新网站有更多精彩内容：http://www.stheadline.com/