方俊被屈呃晒张伟文积蓄：对得住天地良心斥资7位数出歌开Show中年追梦丨独家

2024-03-21 07:00

得到恩师张伟文鼓励，监护人方俊月前推出首支单曲《鼓舞》，下月15日再举行处男个唱，出歌、拍MV、做宣传及开show自资近7位数(百万)血汗钱。方俊坦言追梦唔容易但快乐，提到被唱黐住张伟文捞「油水」，甚至被指攞晒张伟文多年来做和音的积蓄，方俊不吐不快：「我有帐簿，清楚列明每项收支㗎，有怀疑嘅欢迎嚟查阅。」采访：方骞平摄影：朱伟彦

方俊获恩师及圈中友好鼓励下追逐歌星梦。

方俊唱功唔错。

方俊好爱唱歌。

张伟文仲客串拍MV。

方俊月前推出首支励志单曲《鼓舞》。

相隔6年张伟文为爱徒新歌出山做和音。

方俊处男单曲《鼓舞》邀得Eddie(彭迪安)、陈思齐、奇哥拍MV。

方俊在第一届《中国宁夏．平罗全国网络歌手大赛》除打入4强外，并囊括「最佳人气歌手奖」。

方俊仲喺网上节目《星星相识》中唱歌。

方俊于下月15日在北角新光戏院举行《方俊燃亮爱演唱会》，处男演唱对他意义重大，因为部份门票将送赠视障人士及其家属来「燃亮爱」，让视障者都有机会感受及听到音乐会，甚至安排上台发挥所长。当晚更有方丽盈、王美兰及殿堂级天后助阵。

方俊于下月15日举行《燃亮爱演唱会》。

方俊经常凑张伟文去饮茶。

王美兰系表演嘉宾之一。

方俊跟姚炜、方丽盈、周启生都好照顾张伟文。

斥百万追梦唔肉赤

对于斥资近百万追梦，方俊唔肉赤，亦觉得好值得：「唱歌系我兴趣，系一生最爱嘅工作，为争取曝光，唔介意做特约演员，虽然钱少啲，而且冇地位，但特约演员都系演员，我唔会踩自己嘅。」方俊笑言获TVB赞表现好，「某日突然发信话加我一倍人工，可想而知我几热爱演出，所以由𠵱家开始，希望能成为终身事业。」另外，方俊强调开个唱并非为赚钱，只系对自己有个交代，「唔做怕将来会后悔，好似前辈仙杜拉咁，佢成日鼓励我唱歌；张伟文就提点我系时候要独立；姚炜教我做艺人应注意事项，无时无刻当前面有镜头。」

之前张伟文举行3场《友情有义演唱会》请来姚炜做嘉宾。

师徒想合唱《离别的叮咛》。

仙杜拉随方俊到护老院探望张伟文。

为帮助歌唱事业，方俊唔介意沦为特约演员。

皮草生意结下人缘

方俊对钱银睇得好开，原来背后有段小故事：「我喺公屋长大，小时候爸爸离家出走，妈妈独力照顾我哋3兄弟，书簿费靠亲人资助。」故此方俊13岁开始做童工，偷偷在工厂做包装半工读，中学毕业后做制衣配件，生意越做越大，就连国际品牌都指定搵佢合作，亦为他带来第一桶金，21岁经已在荃湾置业成为小业主，之后又做埋当年盛行嘅皮草生意，赚到大钱又赚埋友情：「因为赞助艺人服装，所以识到甄妮、张伟文、静婷、吕珊、新加坡歌后丽莎等，甄妮及张伟文请我做佢哋个唱嘅表演嘉宾，尤其伟文仲指定要我做足8场，我呢个『黄毛小子』真系好感动呀。」可惜金融风暴哥哥投资失利，方俊倒欠哥哥2000万：「但我冇埋怨一句，反正人出生就一无所有。后来转做花店，用咗10年时间清晒条数，𠵱家冇债一身轻，已结束两间花店业务，仲留到少少养老金及有能力照顾到张伟文终老。」

方俊中学毕业后经营制衣配件生意，赚到第一桶金。

做过皮草生意。

方俊为甄妮首次做个唱嘉宾。

七师傅指方俊住喺风水豪宅。

年轻时方俊跟肥姐合照，个样有啲似张国荣。

少年方俊轮廓分明。

系靓仔一名。

方俊喺公屋长大，由方妈妈独力照顾3个儿子。

Fans利是都有记录

不过，出钱出力支持张伟文惹来闲话，深受委屈的方俊有话要说：「有人唔止一次喺朋友圈唱我呃晒张伟文啲钱，话伟文唱咗几十年和音及出唱片，佢啲积蓄去晒边？质疑有人黐埋身捞『油水』…」对于呢啲指控，方俊自问对得住天地良心，唔想食死猫，要公开交代帐目：「因为张伟文冇买保险，2016至2018年间两次腰椎大手术已花光佢30万积蓄，第3次手术费系我同佢啲忠粉夹钱，我有齐呢4年几帐簿，入面清楚列明护老院舍租金、物理治疗、私家医生、药物及保健品、杂项等，每月扣除政府发放嘅津贴，支出超过2万元，帐簿透明度好高，连Fans畀嘅利是及开过3场小型个唱收入都记录落嚟，如有疑问嘅话欢迎查核。」