专栏｜阿仙奴对波图真系精彩

要我总结欧联16强嘅比赛，好多比赛都系扣人心弦，两场需要加时互射12码分胜负，证明欧洲列强嘅水平亦都越嚟越接近，而印象最深刻嘅一场就系阿仙奴对波图。

阿仙奴继续执行到领队阿迪达嘅战术，不停去围攻波图，相信大家都习以为常，但系点解阿仙奴晋级得咁辛苦？原因系波图嘅森巴味，𠵱家嘅森巴足球都已经系混合咗欧陆色战术嘅踢法，可以睇得出防守系好有纪律，但系每一球波拦截都系好硬净，佢哋真系会俾个身去埋，华利拿及云达尔拿斯文图，不停去箝制阿仙奴嘅右路单打，拖慢返对方嘅组织，都系好成功。云达尔同祖奥马利奥拦截成功次数合共有7次，令到阿仙奴两翼唔顺。而后面比比亦都喺后边包咗好多波，防守系坚固。

而好多时反击方面，佢哋嘅推进系好多个人突破，好快好直接，系好有个人节奏，令到对方捉摸不定。尤其是法兰斯高好愿意去挑战对手，今场波过咗3次人。可惜把握力都系欠奉。赢波嘅阿仙奴其实都系靠住耶稣仔改变咗战局，佢嘅状态系麻麻地，但系佢嘅窜扰性，令到防守一方系有捉佢唔住嘅感觉。

所以森巴咪味系非常之重要，有佢嘅用处，现代欧陆式渐渐取替森巴式，或者教练干斯卡奥已经搵到合二为一嘅方法，期待佢教其他球会嘅表现。 Willhappy

-----

《星岛申诉王》推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰https://bit.ly/3uJ3yyF

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ