专栏｜拜仁欧联最后希望 大胜拉素再现新机？

拜仁周中在欧联大胜拉素，赛前杜曹话呢场波比任何人都想赢，结果整场波展现出压倒性优势，凭着哈利卡尼同汤玛士梅拿嘅入波，轻取拉素。

之前有两篇文都写过哥列斯卡配合甘美治嘅问题加上汤马士梅拿嘅灵活性，而呢场波将甘美治转去右闸，柏夫洛域6号位及哥列斯卡8号位，配置上解决咗问题。柏夫洛域质素普通，所以要哥列斯卡帮手落嚟做波，形成一个三中坚拖落嚟分波，哥列斯卡系全场传球成功率最高嘅球员，将甘美治推返上去到右闸位置。其实效果唔错，都系一路压制住对手，尤其系喺右边出波，甘美治都有一两球出得几好。

再讲汤玛士梅拿嘅灵活性，整场波不停指挥，尤其系佢喺中间拉出空间为队友创造出空间，穆斯亚拿若出现空位有过人能力，呢个都可以占一定功劳；同时当哈利卡尼拉落嚟嘅时候，梅拿都会利用佢对制空能力，冲入敌阵。佢嘅入波可以显示到佢嘅补位能力，马菲斯迪历特挞咗其实中唔到龙，佢依然一顶可以破网。

其实依一样应该先系拜仁可以打到出嚟嘅统治力，但系可唔可以维持现状同表现提升，就会决定佢哋可以喺欧联行到几远。Willhappy

-----

《星岛申诉王》推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰https://bit.ly/3uJ3yyF

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ