锺舒漫感恩经济从来冇问题 自资6位数出新歌重返乐坛唔怕Out丨独家

相隔4年，锺舒漫（Sherman）以独立歌手身份推出全新单曲《What You Get》，重返乐坛面对新人辈出，39岁Sherman坦言也有留意现况，但坚持自己心态及想法最重要，呢几年学懂「放手」，认为做人最重要懂得放低，加上有好姊妹卫兰、卫诗和王君馨相伴，也和胞妹Sukie同行，不会单打独斗。采访：方骞平 摄影：钱文坤 场地：The Stadium
 

锺舒漫唔会放弃唱歌及跳舞。

《What You Get》MV有多个造型。

锺舒漫新歌《What You Get》歌词提及「What you see is what you get」，似唱紧她近年经历的事，睇得见就做得到！她坦言「重生」之路唔容易，出歌过程面对好多困难及伤害，早期试过跟合作单位理念不同几乎唔成事，但她不断自我安慰：「啱嘅门会开；唔啱都唔可惜，最紧要学懂放手重新再开始。」

同导演男友已分手

今次出新歌虽然获网上平台赞助，但Sherman为求MV达到自己要求的质素及效果，自资6位数字加码揼本制作，但强调好值得，一啲都唔肉赤：「人生有好多唔同嘅搵钱方法。」至于收入来源，Sherman解释虽然4年间冇新作品及少宣传，但仍然有Job接，而且有其他小生意做，跟胞妹锺舒祺（Sukie）财政冇分彼此，会互相照顾。她感恩经济上没有问题，打算年底再出歌：「冇储蓄就系假嘅，亦唔系吓吓讲钱，睇吓有几想做啫，要应使得使，花得合理。」

 

去年6月Sherman 39岁生日时，胞妹锺舒祺及好姊妹王君馨、G.E.M.（邓紫棋）现身庆祝。

Sherman对上一首歌《未够癫》经已系4年前嘅事。

Sherman对年轻跳舞歌手情有独锺，大赞Marf(邱彦筒)、Winka(陈泳伽)、Jace(陈凯咏)：「睇得出佢哋锺意跳舞，否则会冇Feel。」至于MC(张天赋)、Gareth.T(汤令山)好有潜质。另外，她跟导演男友手已分，强调目前单身，专心工作：「有好姊妹团喺身边唔会孤独，我哋会喺群组互相打气，呻吓及祈祷。」

Jace唱跳劲正。

Marf夺《2023年度叱咤》新力军女歌手金奖。

近年Sherman都有嘢做，曾作客HoyTV《炼狗术师III》解决爱犬问题。

《星岛申诉王》已推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰ https://bit.ly/3uJ3yyF

想睇更多精彩内容，请立即浏览「区区有申诉」活动专页，https://bit.ly/41hgS9E

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ