吴启洋要努力搣甩Sica白痴样：咁至入到戏 业主胡卓希教你如何快速储钱丨独家

Phoebus（吴启洋）@P1X3L、Sica（何洛瑶）及胡卓希（Jason）在ViuTV剧《飞黄腾达》饰演投资比赛参赛者，前两者表示对投资一窍不通，男方更后悔读书时冇学好投资知识。另外，34岁好识投资的Jason首度跟Phoebus和Sica合作，大呻难融入年轻人氛围，还搞笑投诉Sica唔尊重老人家。采访：杜杜 服装:@Sandroparis(Phoebus)、 b+ab(Sica)

Phoebus、Sica和Jason首次合作，沟通方式全靠互窒。

Phoebus在剧中首演乞人憎富二代「Alfred」，他嫌自己演得未够放，「睇返可以再乞人憎啲，未够想打自己。」Sica饰演「Yanny」跟梁文贤（Godric）的「Xavier」是孖公仔，「我哋拍剧先识，花好多时间沟通点演，去到后期真系变咗好朋友，一个眼神就有默契。」Jason跟角色「Stone」有好多相似地方，「我哋一样供紧楼，投资都系只信数据唔信人，容易投入。」

Phoebus演寸爆富二代，他嫌演得未够乞人憎。

剧中的Sica跟《造星II》的Godric是孖公仔。

Jason自封「储钱专家」

剧中3人都擅于投资，不过Phoebus和Sica本身对投资一窍不通，前者更后悔冇修读有关科目，「我中学冇修经济，大学又唔读BBA去读工程。」Sica就笑指完全冇信心投资，「我唔够胆攞自己钱玩，就算有技术可言，我个人比较黑仔会输咗一半喺运气。」自封「储钱专家」的Jason对投资有认识，更分享首次置业经验，「我会逼自己，如想买部1万蚊相机，会储够10倍钱先，但储到10万蚊，就唔会想要1万蚊嘅嘢，咁咪要再储，5、6年前我储到笔钱，唔想乱使咪同人夹份买楼，𠵱家租咗畀人帮手供。」

好识投资的Jason，除了有楼，还跟朋友合资开快闪店。

好识投资的Jason，除了有楼，还跟朋友合资开快闪店。

Phoebus觉得跟Sica合作开综艺对演群戏冇帮助，「望住Sica要用啲力去搣甩佢平时做综艺个白痴样，剧入面佢好有自信冲出嚟，我要睇佢唔起，但现实我会想撩佢玩。」34岁Jason更投诉因年纪差距，难以融入27岁Phoebus跟23岁Sica等人，「我哋3字头，唔同佢哋廿几岁，佢哋好犀利，拍完成日仲可以跳舞，我同陈安立、肥肠坐埋一边望咋！」Sica即补飞：「后尾有特别迁就佢哋，大家捉五子棋，好似维园咁！」暗寸年长组似维园阿伯，Jason即呻：「唉！你明啦，睇唔起我哋啲叔叔，老人家唔被尊重，哈哈！」

Phoebus有一日「飞黄腾达」，就会一半钱给家人，一半钱做善事。

Sica如发达会支持其他创作人，「我冇经营能力唔使做老板，净系出钱。」

《星岛申诉王》已推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰ https://bit.ly/3uJ3yyF

想睇更多精彩内容，请立即浏览「区区有申诉」活动专页，https://bit.ly/41hgS9E

 

《星岛头条》新网站有更多精彩内容：http://www.stheadline.com/