刘佩玥突失声被吓坏决心变阿佘咁Fit 刘颖镟望龙年挑战飞机师角色丨独家

刘佩玥（Moon）和刘颖镟（Tiffany）在兔年过得相当不俗，前者首次在颁奖礼打入「最佳女主角」5强，同佘诗曼拗手瓜；后者4度提名「飞跃进步女艺员」终首度夺奖，爆喊感谢父母是最强后盾。展望龙年， Tiffany望继续突破挑战机师角色；34岁Moon自爆颁奖礼时突然失声，吓坏的她认为是身体响警号，今年决心要搞好身体，望似佘诗曼到48岁都一样Fit。采访：杜杜 摄影：朱伟彦 服装:Suncoo HK(Tiffany) 场地:The Salted Pig (MegaBox)

Moon和Tiffany这对双刘姊妹花，最想今年能孖住去日本及冰岛拍旅游节目。

Moon和Tiffany这对双刘姊妹花，最想今年能孖住去日本及冰岛拍旅游节目。

兔年首夺「飞跃进步女艺员」奖，Tiffany当然满意又好开心，「今年好幸运攞到呢个奖，经历咗呢7年努力有呢个奖，原来真系好开心好感动。」连续4年获提名才得奖，她承认原来感受比想像中更大，「冇谂过会咁感动，攞嗰刻真系咩情绪都出晒嚟，个奖系飞跃进步，代表性系观众认同我真系有进步，系自己最想做到嘅嘢，嗰刻好安慰。」

Tiffany这年希望有更多搵真银机会。

Tiffany首夺「飞跃进步女艺员」奖，在台上爆喊。

正向心态面对负评

Tiffany坦认因知提父母时必变喊包，台上讲感言时刻意安排最后才答谢他们，「父母永远系最大后盾，无论你做咩都好，佢哋永远系咁支持，加上呢个奖嘅代表性，好多感受即刻涌晒上嚟，到父母点样支持我，呢刻先有咁嘅奖励，真系好多嘢谂。」她回想当年选完港姐，毅然放弃读大学回港发展，亦得到父母支持，「佢哋唔畀压力我，呢样嘢好帮到我，畀我尝试，只要系做紧自己锺意做嘅嘢。」Moon又大赞Tiffany工作态度认真，得奖实至名归「佢嗰种勤力，同埋想做好1样嘢嘅决心、热诚，我系好欣赏。」Moon又认为大家心态好相似，不太担心负面评价，「佢睇完会问我，呢啲嘢系咪可以好啲，真系想做好啲，而唔系纯粹觉得有人闹自己。」Moon欣赏Tiffany，从对方得奖时她喊到变猪头可以证明，「原来见住一个自己嘅朋友，好欣赏拍档攞奖系咁开心，（林）子善仲有隔离呢个，嗰种喜悦真系开心过自己攞。」

Tiffany为完成父母心愿，早前终完成大学课程。

兔年Moon同样好充实，最难得当然是「最佳女主角」打入最后5强，「对我嚟讲好有意义，不论系观众定公司都一路好支持我，去到10年呢个位，依家要谂点样喺更加短嘅时间里面再做得好啲，唔可以停留喺一个level。」去年夺得「马来西亚最喜爱TVB女主角」奖的她，又认为得奖有鞭策作用，「奖项系跟我一世，我唔可以比起嗰时嘅我退步，要谂点样维持之馀，点样可以做得好啲，嗰个压力系有喺度，亦都要喺度，畀自己压力推动去做。」

Moon自爆失声兼身体报告不理想，龙年首要搞笑身体。

Moon开心首次打入「最佳女主角」5强。

Moon去年夺得「马来西亚最喜爱TVB女主角」奖。

望孖住拍旅游节目

展望龙年，Tiffany希望挑战多些不同角色，早前在《飞常日志》做过索空姐的她，希望有机会挑战飞机师角色，「做机师几得意，以前好锺意睇《冲上云霄》，好神奇，可以嗰机师位度，有咁多掣任我控制。」而做过真空姐的Moon，却想做飞机维修员，「我好想去维修嗰啲地方，我以前做空姐冇机会落去。」Tiffany亦想财源广进，「冇话想买咩，但真系想搵多啲钱，自己储或者畀屋企人都好。」Moon就笑言会用吸引力法则，吸钱埋身，「我系好爱钱，钱会好爱我，我啲钱会源源不绝咁嚟，每日都会咁样同自己讲。」

Tiffany这年希望有更多搵真银机会。

Tiffany在《飞常日志》演完索空姐，想再挑战飞机师角色。

踏入龙年，Moon最想身体健康，因兔年实在太多病，「小病又好大病又好，睇医生出入医院太多次，当然唔系每次都同大家讲，知道要做啲嘢，希望会有成绩畀大家睇，亦都要畀自己同爸爸妈妈见到，每次我病佢哋系最担心，真系好不孝。」她更自爆颁奖礼时，经历人生第1次失声，认为是身体响起警号，「嗰日我系变咗另外一把声，讲唔到嘢，非常担心，冇试过咁样，会唔会之后就系咁样嘅声，讲唔到台词，唱唔到歌，做唔到嘢。」她睇完医生都未见好转，感到好无助，「试过针炙又试过食药，都未开到，我喺网上查真系有人系会永久失声㗎！虽然见我冇乜嘢，如果话畀你听个报告内容某啲数字，系几担心，有啲数字都会吓一吓。」吓餐死的她要决心搞好身体，更认为在幕前发展是必须，「见到（李）施嬅、阿佘（诗曼）同（胡）定欣，我会觉得唔得啦！系时候要keep自己身体健康，如果依家都仲唔去努力做呢样嘢嘅话，点样喺佢哋年纪时候，仲keep到咁靓，咁 fit，状态咁好。」

Moon自爆失声兼身体报告不理想，龙年首要搞笑身体。

原来颁奖礼当晚，Moon是带病出席。

Moon在新剧《执法者们》将挑战亦正亦邪角色。

这对双刘好姊妹，又希望今年可以一齐拍旅游节目，两人更积极帮一众监制谂好远近的目的地。Tiffany兴奋话：「我哋首先去个近嘅，跟住再去个远嘅，近去日本滑雪，远就你拣嘞！」Moon畀Tiffany拣去希腊、瑞士及冰岛，Tiffany最后选了冰岛，Moon又不介意到时派福利泳装上阵，「如果我去返参加港姐个身形，我OK㗎！」

Moon祝愿大家跟自己都身体健康！Tiffany希望大家都能心想事成！

Moon和Tiffany这对双刘姊妹花，最想今年能孖住去日本及冰岛拍旅游节目。

Moon和Tiffany经常合作成好友，互相鼓励和支持。

《星岛申诉王》已推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰ https://bit.ly/3uJ3yyF

想睇更多精彩内容，请立即浏览「区区有申诉」活动专页，https://bit.ly/41hgS9E

 

《星岛头条》新网站有更多精彩内容：http://www.stheadline.com/