谢东闵想低调同朱智贤结婚首次担正最怕搞到甩头发丨独家

2024-02-20 08:00

谢东闵在贺岁档剧集《本尊就位》，首次担正做主角，终于做好人角色的他，最初反而担心甩头发。讲到他年前跟吴业坤等朋友合资7位数开音乐中心，但因香港经济未恢复而未敢开分校。情人节难得放闪的他，亦有计划跟朱智贤结婚，但怕高调的他，未谂好点搞。采访：杜杜摄影：谭志光发型:Jay@hola

东闵讲到拍古装甩头发问题，相当肉紧。

今年新年愿望，东闵最想财源广进。

近年经常演反派角色的东闵，在《本尊》终做好人，还首次演神仙「吕洞宾」，不过最初他都有担心，「我好衰，第1时间谂演『吕洞宾』咪好大镬，要成日黐头套，因之前拍古装，试过甩咗一忽头发，今次仲要系夏天拍几个月，惊又冇咗忽头发，好彩后尾我睇咗剧本唔系好多古装戏，不过都开心可以做神仙。」对于这剧后能否维持主角位置？他则看得好开，「当然想做主角，试咗呢套睇吓观众反应，公司自然会畀机会，做好咗自己先。」

东闵在《本尊就位》中饰演神仙「吕洞宾」。

剧中东闵大部份时间都是民初扮相，不用戴头套。

后悔细个唔肯学琴

艺人工作太被动，加上一直有个音乐梦，所以东闵年前跟吴业坤等几个好友，合资开音乐中心，「希望帮到啲对唱歌有兴趣嘅人，亦令到小朋友可以从小接触音乐，学多啲音乐技巧。」原来他小时候因不听妈咪话学钢琴，一直令他好后悔，「10几岁锺意音乐先至学返，嗰时都仲系懒，时间放晒唱歌度，冇专心学好乐器，依家喺学校处理公事之馀，有时间就练吓琴。」本来他希望今年再开分校，但计划赶不上变化，「本来谂住疫情后经济会好，点知仲差咗，所以都系睇定啲先。」