ToNick主音赵善恒晒黑图自爆患抑郁 压力爆煲：我怕我真系会做傻事！
2024-02-19 15:02 
乐队ToNick主音「恒仔」赵善恒今日（19日）凌晨时份突然在IG出了一个黑画面的PO兼撰长文，赵善恒突然自爆有抑郁病逾一年：「有啲嘢好想讲，因为我怕我真系会做傻事‧。」
相关阅读：小花谭杏蓝突公开恋情被质疑一脚踏两船 高大新欢曾向人气性感KOL求婚
ToNick主音赵善恒晒黑图自爆患抑郁：
赵善恒去年2月宣布与拍拖10年的「小花」谭杏蓝分手，到了4月患血癌的爸爸离世，在双重打击下，赵善恒人前人后表现坚强，爱上跑步的赵善恒，今年更报名出战渣马，虽然参赛前不小心弄伤脚，但他依然继续，期间还因为报名时打错字，由「赵善恒」变成「黐线恒」，他还说：「当做纪念，2024年开头做咗件黐黐哋线嘅事，上年年尾真系好唔开心人生有啲Lost，讲真系喺运动场同顽张跑嗰一刻个感觉扶一扶我，畀我知道世界好大，冇嘢捱唔过的，肯就得㗎喇，一步一步来啦！」在人前强扮坚强的赵善恒，终于「爆煲」，今日（19日）凌晨时份突然在IG出了一个黑画面的PO兼撰长文，突然自爆有抑郁病逾一年：「有啲嘢好想讲，因为我怕我真系会做傻事。」
赵善恒称只会讲一次并不会再回应：「话说，啱先有个『朋友』走埋来同我打招呼，咁我客气咁寒暄咗几句就算，但同呢位『朋友』对话之后我发现，我真系顶唔顺喇！其实我抑郁咗一年，争啲想走，感谢跑步真系救咗我好多。上年，我爸爸走咗，亦同一齐好多好多年嘅女朋友分手，分咗手之后，当每一个人关心问我点，佢哋都会不经意咁讲一句：『原来你乜都唔知㗎？』然后我就会听到一个新嘅人名，我身边啲同事同埋朋友，之前佢哋唔讲畀我听，系唔想影响我，我仲好似一个小朋友咁样，锺意创作，想做好每一件事，又好想做啲好嘢出嚟。」
谭杏蓝与新欢晒恩爱：
赵善恒续说：「作为幕前，又唔想引起不必要嘅风波，费事影响到啲project同客户，咁就不断隐瞒自己情绪，扮正常、继续发放正能量。然后我用咗一年时间处理我嘅心情，我冇死到，其实已经好好彩，但我唔想再扮喇！我觉得夹band好开心、我觉得拍戏好开心、我而家都开始一段新嘅感情、而家系向建立一个好家庭方向出发、我净系想好好地生活，做好我嘅工作，有一个好好嘅家庭，好好经营我嘅团队。系咁多，好少打咁多字，但因为我发现我真系面对唔到呢个情绪！」他又说：「唔想工作唔到、生活唔到，唔想开始唔到一段健康嘅新关系，所以，最重要系，唔该咁多位关事嘅『朋友』，唔好再走过来同我打招呼，我唔会公开任何人名，只系想你哋知，我唔再系咩都唔知，而家我只想好好生活！」
赵善恒的留言一出，不少圈中好友先后留言，同样受过情绪病困扰的周国贤亦回覆：「兄弟，我知道你喺呢段日子一定过得非常唔容易，我哋旁人亦冇办法能够明白你喺战场上孤独作战嘅真正感受⋯但系你要相信你唔系自己一个，好多好锡你嘅人，都与你一起同行中！我认识嘅你一直都好勇敢、好善良同埋其实内里非常勇敢，非常强壮！唔好放弃，我会陪你一齐行。Vivian Greene 的一句说话，有时候在我迷路时，会引领我走出情绪迷雾⋯
“Life isn\'t about waiting for the storm to pass, but learning how to dance in the rain.”我随时也在，一直也会在！如果真系避唔到，咁我哋一齐捱！」阮小仪、卢巧音夫妇亦先后留言，Sammy先说：「歴练，be strong brother.」卢巧音亦说：「自己生自己的活，醒来就要好好面对，我哋兄弟姊妹喺度，得闲返顽张，出身汗笑餐饱，安多芬同多巴胺会帮你㗎啦，你要好好继续行自己选择嘅路。」
防止自杀求助热线：
「情绪通」精神健康支援热线：18111
香港撒玛利亚防止自杀会： 2389 2222
生命热线： 2382 0000
明爱向晴轩： 18288
社会福利署： 2343 2255
撒玛利亚会热线(多种语言)： 2896 0000
东华三院芷若园： 18281
医管局精神健康专线： 2466 7350
赛马会青少年情绪健康网上支援平台「Open 噏」：http://www.openup.hk
其他文章：
Chill Club颁奖礼2023丨ToNick夺奖主音赵善恒即多谢MIRROR：令颁奖礼无可奈何设乐队奖
独家丨岑珈其感激恒仔念旧乜都预佢 口水佬拍《和解》要封嘴超难顶
-----------------
《星岛申诉王》已推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰ https://bit.ly/3uJ3yyF
想睇更多精彩内容，请立即浏览「区区有申诉」活动专页，https://bit.ly/41hgS9E
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应