亨仔Kim希晋Tsoul龙年多谂头《造星V》5子写创意挥春KC秒画「福U」丨独家

2024-02-17 07:00

今年是《造星V》囝囝黄家灏（KC）、陈镇亨（亨仔）、王希晋、田曜诚（Tsoul）及卓金乐（Kim）入行的第1个农历新年，5子发挥创意，用自己名加龙年Idea写挥春向《星岛头条》读者拜年！本月底以不同组合形式出歌的他们，最想龙年拍剧和综艺节目长做长有。采访：廖思慧、杜杜摄影：朱伟彦形象:Dom CHEUNG 发型:Mavis Mar、Ryan Tsoi、Chorus Ko 化妆:Choco Wu、Marble Yip、Iris Luk、Gabby Lam服装:Tommy Hilfiger 场地:Little Sparrow

希晋、KC、亨仔、Kim和Tsoul以自创挥春向《星岛头条》读者拜年。

要5子在5分钟内写挥春，当中要有龙兼有自己个名，众人非常专注。

KC：「幸福，简单一个字，福字下面有个U，代表福to you，KC个名收埋喺条猪鼻龙度。」

希晋：「学业晋步！祝大家学业进步，我哋就事业都进步，我画画冇乜天份，条龙尽咗力。」

Tsoul：「我个姓田字入面有龙马精神，象徵精神喺我个名度长存，但条龙画衰咗！」

亨仔：「财运亨通！亨就系我个名，个通字有啲心思，撑艇有条龙，下面再画多条龙。」

Kim：「新年快乐！乐字就系我个名最后个字，本身想画晒条龙，但系唔够时间，得只爪。」

入行后的KC对未来既不安又期待，因他跟Tsoul以比较少见的跳舞艺人身份出道，「唔知方法系咪啱，或者得唔得。希望可以拍多啲自己编舞嘅作品，帮artist排舞又好，自己纯表现嘅作品都好。」至于做节目，KC最想跟4位兄弟继续去其他地方拍《任你点》系列，「可以探索吓啲新嘢，发掘平时去旅行未必会知嘅嘢。」提到去冲绳晒到面肿，他称已睇中医调理中，唔怕再晒。

KC（黄家灏）

KC好想《冲绳任你点》成为系列节目，去更多地方拍摄。

希晋Tsoul入行齐感不安

希晋签约后同样有不安感，因自觉好多不足，「要做成功艺人要再花好多心机，拍综艺点样讲嘢，要继续学习。」早前在《Chill Club》跟《造星V》导师陈蕾及busking老友MC（张天赋）同场，他称好紧张，但听到陈蕾赞他，「现场都几稳喎」即安乐晒，「身为『蕾安多芬』唔可以丢架，已经成为出道歌手，要努力保持水准。」重遇MC，他感受好深，「估唔到由busking到依家，可以喺唔同舞台一齐表演，好开心，希望有日可以成为豹哥同MC一样成功嘅歌手。」

王希晋

希晋开心在《Chill Club》重遇陈蕾和MC。

做艺人后的Tsoul亦觉得不安，因公司跟他也不清楚跳舞明星条路要点行，「香港真系冇呢样嘢，冇范例。」讲到新年愿望，跟《造星V》时的目标一样，「实践到讲嘅嘢，以跳舞为主，但系都唱到歌嘅全能artist。」他更想拍多些综艺节目，特别是冇底线的真人骚，如《公司冇逼我跑马拉松》，「透过唔同节目做啲嘢，可以启发到人，令到观众有行动力。」原来他早在《公司》拍摄期间已受影响爱上跑步，现在经常由牛头角屋企来回启德跑足10K，「跑步真系好有用，嚟紧要跳住唱歌，有气真系差好远。」

Tsoul（田曜诚）

Tsoul想挑战《公司冇逼我跑马拉松》这类极限真人骚。

亨仔Kim想拍爱情校园剧

亨仔好感恩公司肯签他，「唔系都几迷茫，唔知去边。」他最想多拍剧，「拍剧先可以入到屋，迟啲希望有自己solo歌，一步步啦！」讲到剧种，他最恨拍校园青春剧，「类似《我的少女时代》王大陆个角色，哈哈！即外表粗犷，内里斯文，温柔。」原来5子已参与过几次剧集和综艺节目试镜，他们觉得要忘记自我投入角色好难，但最难是忍笑，Tsoul狂呻：「你谂吓！对戏要对住佢喎！（指住亨仔）哈哈！系有难度！」再问试镜成绩?众人偷笑，「系未有嘅」。

亨仔（陈镇亨）

亨仔最想演《我的少女时代》的王大陆角色。

《造星V》20强止步的Kim，问到知否获邀签约原因，身旁的Tsoul及亨仔齐笑，他尴尬笑言应该跟弹到低音结他有关。唔怕被笑，好锺意睇剧的他希望今年多创作歌曲，亦想拍爱情校园青春剧，「好似《想见你》嗰啲。」问到心水女主角，他不愿答，还扯开话题表示可跟希晋拍BL剧，再追问才答，「拣专业演员带住比较好。」，Tsoul帮他解围，提议他拣韩星韩韶禧，他即认同，「正呀！就呢个啦！」问到入行后会否多左好多女Fans埋身，听毕问题，有另一半的四子以希晋少答嘢为由，推畀单身的希晋回答，「真系冇喎，最多都系Fans DM我问几时再见到我。」