Ian陈卓贤 情人节同妈咪过 罕谈爱情观自爆偏向「一见锺情」:第一眼就知想唔想长远发展
2024-02-15 18:45 
MIRROR成员陈卓贤（Ian）昨天情人节(14日）推出以爱情故事贯穿的Chapter 1 作品《Lost at First Sight》，并请来许恩怡拍摄MV，饰演其倾慕对象，新歌更以电结他创作出厚实Funky Style。昨晚，Ian 在IG 开live 宣传新歌，与网民大玩「你问我答」，当中更自爆锺意「一见锺情」的感觉。
Ian 坦言新歌以小电影剧情去发展，故事系列的Chapter 1 主要讲及在联校舞会一见锺情的故事，给大家一个青春单纯的爱情；而歌名以「lost 」来取替「love」，Ian笑言是他一意孤行的意思：「系几十个歌名选择里面，其实我系一意孤行用呢个歌名，冇听大家嘅投票，呢个lost字系比较正面，即系第一次见到你就已经迷失左嘅意思，充满电影浪漫嘅感觉。」当粉丝们不断追问有冇Chapter 2的时候，Ian 起初大卖关子表示：「大家唔好咁心急，人生就系唔知将来先至有趣」，但Ian 在粉丝再三逼供下，最后透露Chapter 2 已经写好，而MV大方向亦已经有了。
适逢昨日情人节，Ian 被问到怎样过? 他表示情人节是一年一度与妈咪过的日子，并透露：「晏昼同妈咪去咗饮茶，之后行街买情人节礼物俾佢，但系夜晚迟咗约妈咪，妈咪已经full Booking。」
被网民问到是否向往一见锺情？Ian 就罕谈自己的爱情观，自爆偏向一见锺情：「谂返以往自己，我系偏向一见锺情类多过日久生情类，譬如你一开始见到呢个人个感觉，其实第一眼就取决到你会唔会想同佢长远发展，或者佢系你心里面嘅感觉，所以我偏向一见锺情。」Ian 更表示学生年代从未有参加联校舞会，他表示：「我由细到大都冇参加过任何一个联校舞会，因为我啲时间拎晒去练波，以前星期一至六都系练波，星期日就打比赛，我冇太大兴趣参加舞会，因为舞会全部都系陌生人。」
今次新歌继续由Ian 亲自作曲，他特别拣选了人生第一支结他登场，「呢支结他陪咗我好耐，唔够20岁嗰阵买，嗰阵时系弹结他最勤力、最着迷嘅时间，反而入行之后弹结他嘅时间非常少，所以而家想弹返。」提到创作灵感，Ian 坦言这亦是导致他长期失眠的原因：「因为临瞓前谂到一样嘢，我就一定要谂到解决方法，或者不停谂点解会咁样，导致成日失眠，但我觉得呢一个系我性格一个特质，系工作上都系一个好处。」他更透露了一些作词的小习惯，「我多数用电话写，多过用手写，因为容易储存，加上我啲字好核突。」有人叫Ian分享演唱会感受，不过Ian 就表示太煽情，怕自己控制不住情感；在直播结束前， Ian搞笑拎起结他弹了几下落堂的钟声，表示直播结束。
入行前Ian多以结他创作歌曲，但成为歌手后反而少了， Ian道：「自己本身系弹开结他，入行前好多创作都系用结他写，近年作品反而少咗呢个元素，所以就有呢只歌诞生。今年推出嘅歌曲，会攞返呢支宝剑摆喺自己身边。」为了让大家可以见识每支结他的靓样与靓声，Ian打算每首歌都会让不同的结他登场。除了有不同的结他登场，Ian今年的作品，都会以系列形式推出，他说：「用故事性贯穿，形容一段关系唔同嘅Stage，由初相识、发展到Ending会系点。好多人会睇究竟系Happy Ending定系Sad Ending，但呢要卖关子，因为未完全肯定故事嘅句号系属于点样一个Ending，大家要多加留意。」
因为喜欢结他，所以为每一支结他写一首歌，Ian锺情结他的佐证在今次新歌MV现场也有迹可寻，他悄悄透露：「而家科技发达，好容易买到嘢。啱啱拍紧MV弹紧结他，同啲朋友又倾开啲结他，喺网上突然见到一支几靓，于是又纳入即将收藏系列。未喺我度，但我会带佢返屋企，可能系之后其中一首歌嘅主角，但我都几肯定呢支新结他，嚟紧开Show大家会见到佢嘅出现。」
《星岛申诉王》已推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰ https://bit.ly/3uJ3yyF
想睇更多精彩内容，请立即浏览「区区有申诉」活动专页，https://bit.ly/41hgS9E
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应