美斯缺阵︱曾俊华自爆有份叫回水无奈见盛事变坏事：「点解好似近年屡见不鲜呢？」

2024-02-11 12:25

上周国际迈亚密在港表演赛期间，球王美斯全程没有上阵，引起球迷不满，主办单位最终退回一半门票费用。前财政司司长曾俊华当日亦有入场，与好友、前特首曾荫权一起看球赛，他今日（11日）在社交网坦承，当日亦是大叫「回水」的其中一员，对美斯没上场感到非常失望，但同时提醒这类纠纷如动辄演变成政治事件，对香港的国际声誉有害无益。

曾俊华当日亦有入场，与好友、前特首曾荫权一起看球赛。（曾俊华fb图片）

比赛前姜涛、Anson Lo歌舞表演环节。（曾俊华fb图片）

曾俊华当日亦有入场，与好友、前特首曾荫权一起看球赛。（曾俊华fb图片）

2003年皇家马德里访港。（曾俊华fb图片）

曾俊华过往不时到塞尔特人主场看球赛。（曾俊华fb图片）

指主办方「回水」一半难补球迷遗憾

曾俊华指：「难得美斯再嚟香港，况且呢次可能系我最后一次，可以亲眼睇佢喺球场上演出，所以一早就已经安排好。讲真，我觉得啲飞嘅价钱真系相当贵，但系咁难得有呢个机会，同其他香港朋友，一齐参与呢场盛事，我就觉得好幸运。」观众亦早就开始大叫「Messi! Messi!」然而到下半场后备球员热身，仍未见美斯起来，大家开始觉得不妥。「到完场前十分钟，美斯仲系著住件外套，同我哋一齐睇波，大家终于顶唔顺，大叫『回水！』，包括我在内！」他坦言赛前完全没想过，美斯既不上场，也一言不发，所以他同在场绝大部分美斯拥趸一样，觉得非常失望。

曾俊华提到：「最后主办单位决定退番一半票价畀大家，我谂至少会令失望嘅球迷冇咁谷气，但冇得睇美斯落场献技嘅遗憾，就无法弥补啦。」他指：「本来系大家非常支持同喜欢嘅盛事，最后喺嘘声下收场，仲要演变成国际事件，好事变坏事，点解好似近年屡见不鲜呢？不过，如果郁下就将事件提升至政治层面，咁就无可避免，一定会影响到香港喺国际间嘅名声啦，呢方面我哋系要留意嘅。」

他忆述今次美斯港，应是继沙士后皇马来港踢表演赛后，最受港人欢迎的盛事。「2003年我都有入场睇皇马，哨牙仔、卡路士，施丹、费高、碧咸同鲁尔呢个『6条A』可一不可再嘅阵容，睇过嘅朋友都会觉得今生无憾。」

曾俊华指，在现埸看任何体育赛事都会令人热血沸腾，像他以前住美国波士顿期间，不时会入场看NBA球队塞尔特人的球赛，「篮球场相对较细，所以现场气氛好劲，作为观众，我哋更加可以清楚睇到球员比赛嗰时嘅情况，几乎佢哋流几多滴汗，都睇得一清二楚。」不过他坦言入场观赛门票很贵，「嗰时我成日都讲笑，话每一次睇一晚波，就差唔多要再抵押自己间屋，虽然比赛系好刺激，好好睇，但系就唔能够成为习惯，唔系就会好伤荷包嘅。」