王嘉仪被花遮样都要有表情学到嘢 麦浚龙执导电影级MV全因Wyman丨独家

王嘉仪（Sophy）花两年制作第4张大碟《水性扬花》，她视作由女仔变女人的成长记录。最难得首次跟黄伟文合作《我们的鬼魂》，更得到老板麦浚龙亲自执导MV，又获安排学跳舞几个月，制作之严谨令Sophy大开眼界。采访：杜杜 发型:Toyo Ho化妆:Sharon Leung 服装:MAJE、SANDRO 场地:Studio Meta / 朝映实景工作室

Sophy努力两年终等到出碟，最想去北欧旅行放松。

Sophy的全新大碟名为《水性扬花》。

Sophy希望透过专辑记录由29岁去到3字头的过程，「由一个盲舂舂状态，到依家比较笃定自己方向。」大碟名称的「扬」字亦专登玩食字，「水性阳花系贬义，但我改咗用扬，代表女仔变成女人嘅过程。」

Sophy邀请了台湾歌手 YELLOW（黄宣）合唱《Race of Faith》。

Sophy凭《自然变态》在《TONE Music Awards 2023》夺得最佳年度单曲。

为拍MV排舞几个月

《水性》是 Sophy加盟麦浚龙公司的首张大碟，老板更为她执导《我们的鬼魂》MV，更搵来黄伟文填词，她坦言这次合作并非计划之内，「平日老板好少参与我嘅制作过程，嗰日喺公司开会听demo，老板咁啱喺会议室，佢话『我有剧本要搞，你哋唔使理我照开会啦』，我哋倾到咁上下，佢起身走再抛低咗几句话『对你做嘅有型嘢都好有信心，但都想听吓你内心』，我谂咗成晚，最终都系拣咗呢首抒情歌，唔知佢系咪专登听我哋开会，哈哈！」

Sophy估不到老板麦浚龙肯帮她执导《我们的鬼魂》MV。

麦浚龙事前有问Sophy，接唔接受到镜头前锡锡。

Sophy湿身演出《我们的鬼魂》MV。

Sophy能够搵到麦老板制作电影级MV，全因黄伟文，「老板搵咗Wyman帮我填词，佢好锺意首歌，仲留咗句『烦请拍MV』畀我，于是咪胆粗粗传话，顺便问老板肯唔肯拍，佢听完笑咗几声，第2日就问我『你镜头前锡得唔得』之后又安排我由零开始学跳舞。」真正感受电影级制作令她大开眼界，「有种大师级嘅感觉，排舞都排咗2、3个月，就算系咪咀，老板都会讲解剧情，最癫系我有个花嘅妆遮咗个样，即系见唔到表情，佢都希望微表情系入戏，呢啲真系学到嘢，证明细节就是功力的彰显。」

不懂跳舞的Sophy，为了MV苦练了近3个月。

化了这个花装下咪咀，麦浚龙仍要求Sophy要入戏。

《星岛申诉王》已推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰ https://bit.ly/3uJ3yyF

想睇更多精彩内容，请立即浏览「区区有申诉」活动专页，https://bit.ly/41hgS9E

 

《星岛头条》新网站有更多精彩内容：http://www.stheadline.com/