《蜂神恶杀》往死里打就对了丨头条戏场

2024-02-07 06:00

全片105分钟，爽爆快感占90分钟，冷场系零，两个字，好抵睇。Jason Statham饰演已退休的神秘特工组织「养蜂人」Adam Clay，打打杀杀已经唔再关佢事，于遍远山区养蜂为生，闷但快乐，因为唯一对佢好的邻居被骗徒呃晒成副身家仲死埋，Adam愤怒了，决定重出江湖为老友报仇。好一个Jason由头打到尾，仲要不断往死里打，大快人心到笑出声，内心讲咗过亿次抵死，如果你曾经收过诈骗电话及讯息，甚至被呃过嘅，非常推荐入场。(上映中) 撰文:廖思慧

Adam被迫复出，背后嘅蜜糖非常帮到手。

Adam系神秘特工组织「养蜂人」的前特工，退休后真系去养蜜蜂。

由《自杀特攻：超能暴队》的David Ayer执导，退休特工Adam 一人单挑诈骗集团，最后发现骗局有强大后台，更牵涉庞大的政、商、黑势力。打斗场面非常多样化，有埋身肉搏又有枪林弹雨，甚至打到油站大爆炸。

Adam邻居收到防毒软件过期电邮，因为担心而上当。

温馨提示，唔好乱揿LINK同密码呀。

Adam拎住两桶火水直闯骗徒巢穴，睇吓个火烧得几靓。

Adam超勇，一人之力毁灭贼窦。

一把火烧到咁，但仲有千千万万个贼窦。

呃晒Adam邻居钱嘅坏人，下场系手指冇晒仲要连人带车冲落海。

诈骗者不得好死
电影重点系打同杀，因为Adam的勇猛及唔识死而惊动FBI、CSI及雇佣兵，Adam如人形「攞你命3000」，任何物件拎上手都可以成为致命武器，如电话、铁链同蜂蜜罐，当然拳脚亦非常厉害，动作场面乾净俐落，冇半秒拖泥带水，拳拳到肉冇废话，睇到好爽好纾压，唔好问点解成班FBI、CSI都打唔赢Adam，咁主角吖嘛，又或者奇怪Adam仲激动过被骗邻居个女，全片的确好多位唔合逻辑，但一切都唔重要，好好放空大脑，享受Adam点样用尽各种方法去整死坏人就够。