独家丨尹光有跟得老婆冇机会临老入花丛 一提李龙基即封口拒睇网民留言

在乐坛54年的尹光(光B)凭实力执个尾彩，去年被网民以A.I技术恶搞制作「翻唱版」《一人之境》及《Dear My Friend,》后爆红，更因形象正面，又受年轻人欢迎令到工作量大增，甚至打入商台《叱咤》「我最喜爱的男歌手」最后5强。对于Keep红心得，79岁尹光直言：「自己为人一向正经，真金不怕洪炉火。」采访：方骞平

尹光望龙年身体健康。

尹光今年会和玛姬合唱一首rap歌。

尹光谦称喺玛姬身上学嘢。

光B最重要祝愿身体健康。

上周，环星娱乐老板张国林联同尹光、玛姬、鲁振顺、姜蓓莉、莫旭秋、吴江伦等为年初一网上节目《金龙报喜贺新年》录影，大唱新年歌。光B坦言去年尾及今年头都好旺，接咗唔少商演及广告，农历新年前还会先跑一转美国登台，年初八就往澳门演唱，财源滚滚来，但最重要都系身体健康。

尹光随环星娱乐老板张国林、玛姬等录影新春网上节目。

光哥与大马女神林明祯齐搵真银。

尹光和乐坛新贵Kakit(邓家杰)拍广告。

乔宝宝、尹光、朱咪咪到佛山登台。

去年尹光嘅《 dear myself》劲hit。

开心为陈蕾执衫变暖男

光B强调，多年来无论去边都会带埋老婆李丽仪，零机会临老入花丛：「两公婆成日一齐，好听嘅话系恩爱，又可以话我冇老婆服侍唔得！」虽然多年来被指唱咸湿歌，感觉唔正经，但真金不怕洪炉火：「我一向做人正当，𠵱家啲歌被赞正面，最搞笑连喺《叱咤》帮陈蕾执返件衫都获赞系暖男，当时陈蕾坐我隔篱，佢外套好大件，但坐嘅凳就好细张，结果上台3次件褛就跌3次，仲会覆盖我对脚；至于坐另一边嘅Gin Lee(李幸倪)就冇理，因为冇跌向佢嗰边，哈！咪唯有焗住执。」虽然食白果，但首次参加《叱咤》的光B仍笑笑口坐足一晚，听吓一班年轻人唱歌。又笑言今年还会和玛姬合唱一首rap歌，都会向对方好好学习，因为对方比他rap得更劲。 

尹光做乜都预埋老婆。

之前光B去澳门女主仆餐厅拍摄。

光B喺《叱咤》中多次为陈蕾执衫。

光B恭贺张敬轩成为「我最喜爱的男歌手」得主。

光B以学习心态首度现身《叱咤》颁奖礼。

光B受年轻人欢迎。

到商台接受Do姐访问。

两公婆和阿姐都好老友。

对于李龙基和未婚妻王青霞(Chris)近日是非缠身，光B一听两人名字即回避话最近太忙冇乜联络，更指：「网上嘅嘢唔使负责任系人都讲得，所以我唔会理，正经嘢先会睇。」

尹光跟李龙基唔系常联络。

李龙基、王青霞近日成为新闻焦点。

光B唔愿多讲李龙基、王青霞的事。

《星岛申诉王》已推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰ https://bit.ly/3uJ3yyF

想睇更多精彩内容，请立即浏览「区区有申诉」活动专页，https://bit.ly/41hgS9E

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ