独家丨彭皓锋暴跌44磅仍乐观:冇嘢捱唔过 医直肠癌耗尽积蓄借6位数保命

53岁前TVB「恶人」彭皓锋（歌手彭家丽胞弟），去年7月证实患上直肠癌第2至3期，好大机会要切除肛门，终生孭住造口袋，工作量不多又一向只做绿叶的他坦言为医病已耗尽积蓄，更要向胞姐及女家亲人借6位数应急，短期内再要筹30万手术费，他坚持要正能量：「冇晒钱又如何？好返咪搵过，冇嘢捱唔过，最紧要开心。」他更鼓励同路人，「要乐观面对，一定有得搞。」采访：方骞平 场地：台北.宽巷子@海港城

罹患直肠癌嘅彭皓锋虽然病情严重，但都笑住面对。

彭皓锋为医病已耗尽积蓄。

彭皓锋庆幸患病唔算辛苦。

彭皓锋坚持要正能量。

彭皓锋短期内再要筹30万手术费。

去年彭皓锋在慈善演唱会中，自爆患上直肠癌。

 

访问期间不停饮好苦嘅中药来增强免疫力。

患病期间注意饮食。

去年4月，彭皓锋开始肚屙及感觉屙唔清，不停想去「开大」而去睇医生，但疫情下延误到7月才照到肠镜，即发现直肠有个5cm大嘅肿瘤，而且位置好接近肛门，因为情况算几严重，好多医生都劝他趁扩散前尽快做手术，切除肛门保命。

中药偏方多管齐下

目前彭皓锋未有治疗定案，坦承接受唔到终生孭住造口袋，严重影响日后嘅演艺工作：「𠵱家几管齐下，先畀个多月时间观察，试中药、保健品及偏方治疗提高免疫力，希望将肿瘤变细，同肛门有段距离就唔使切走埋个肛门要『封肛』，不过，呢个复杂嘅大手术要交畀有经验嘅医生处理，私家医生手术费动辄30万，未计手术前先做化疗配合，但为咗节省支出，化疗可能转去公立医院做，反正喺公院做效果都唔差。」另外，他已戒糖、贝壳类及红肉，拣食有机菜、鸡肉及鱼肉：「有机食材好昂贵，而且选择唔多，加上冇糖少盐少油，食紧食材原味，一时间唔习惯冇乜胃口，体重急跌44磅，血压都变低，老婆怕我会晕低，就算𠵱家内地有戏开都唔畀我去拍。」

只买住院保冇危疾

彭皓锋要全面停工休息直至手术后半年康复为止，所以呢段时间零收入，仲要应付屋租、生活上及3子女开支，压力好大，要向亲人借6位数度难关：「因为我只买住院保冇买到危疾保，保额有限，𠵱家啲保健品样样都贵…但唔紧要啦，6位数唔系好多啫，咪好返努力搵钱搞欠债罗，冇嘢系搞唔掂，2012年时离开TVB转投HKTV，HKTV唔玩前，我系第一批HKTV艺人俾人踼走嘅，当年前无去路，同老婆带住两个年纪好细嘅小朋友(当年得一子一女)咪又系捱过咗，老婆都系打工仔，唔系家境富裕。佢成日提我要有吸引力法则，谂『一定OK就掂。』既然控制唔到，无谓谂啲负面嘢，解决唔到就放埋一边。正如𠵱家冇得食甜嘢，啲中药好苦，又有啲原味嘢唔好食，我会同自己讲『都有嘢啱食呀！个女生日可以偷食到一啖蛋糕经已好开心啦。』𠵱家只系换个口味啫，大把人惨过自己，我咁严重但冇病徵，唔觉有痛经已好彩，仲获身边朋友关顾，好似黑妹姐及肥妈咁，成功帮我倾到偏方治疗嘅赞助商时，开心到揽住喊，比我更加激动。」

休养中嘅彭皓锋仍要照顾一家人嘅生活费。

彭皓锋为免老婆太担心，不停展示欢乐一面。

彭皓锋坦言有向家姐彭家丽经济支援。

彭皓锋当年做过彭家丽助手，眼见家姐易赚钱而选择入行。

2017年凭《破冰》夺得《加拿大金枫叶国际电影节》网路电影组别「最佳男主角」。

想当年彭皓锋(左1)曾跟少年谢霆锋做对手戏。

《黑金风暴》做反1，演得相当出色。

被HKTV踼走后，彭皓锋在内地拍剧4年，2018年刘家豪「执」他重返TVB演《解决师》。

彭皓锋做「御用恶人」前都做过好人角色，2014年在内地剧《卫子夫》中演正直嘅易寒。

《逆天奇案》。

拍《战毒》。

争取和家人相聚时间。

同陈展鹏系老友。

问到患病后难忘事?他称是见医生听报告时，吓到老婆泪崩，「我反而安抚佢『咪当伤风感冒嚟医，冇乜咁大件事喎！』」他叮嘱病友：「要乐观面对，一定有得搞，条命长短控制唔到，但可以控制到开心，令到身边人开心，自己自然就会开心。」另外，彭皓锋从冇埋怨多年来只做陪衬缘叶王：「坦白系人都想做主角，但要讲天时地利人和，老板都系生意人，就算戏好，边个敢投资开戏畀我做主角先？佢哋都会计算嘛。做人最紧要开心，Enjoy过程咪得罗，只要有观众睇我啲戏，都会尽力演出。」

--------------------------------------------

《星岛申诉王》已推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰ https://bit.ly/3uJ3yyF

想睇更多精彩内容，请立即浏览「区区有申诉」活动专页，https://bit.ly/41hgS9E

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ