专栏｜高普爸爸我爱你

高普喺星期五突然官宣将会离开利物浦，对利物浦球迷心情影响很大，佢亦撇除所有阴谋论，包括为季尾争标打强心针、自己身体有事等等。但自问自己真系好爱佢，佢系我嘅爸爸，对足球启蒙嘅人。

细细个10岁左右都会上阿姨屋企睇波，当时英超开始有早场，睇完早场中间有半个钟时间，咁去睇咩好啊？就会转咗去睇德甲，而我好记得第一场波就系多蒙特。老实讲嗰场系点已经唔系好记得，但我净系记得球迷嘅欢呼声，一直唱《You will never walk alone》，场比赛同英超好唔同，节奏开放快上快落，我心谂边个教练可以教到咁？

原来就系高普，每球入波佢都会激情庆祝，同英超教练坐喺教练席黑晒面，即使入波都木无表情唔同。佢每个攻势做得好都会拍烂手掌，做得唔好就会怒斥球员，佢嘅大鸣大放植入咗我嘅心入面，足球唔单止Mind game，系可以投放情绪系入面，令我更爱足球。

同时佢都系战术既先锋，佢采用压逼嘅踼法，逼到对手有气无埞唞，每球波都唔可以顺利咁组织，抢到波后就全部人冲入去禁区，左右闸都可以入波，嗰刻我真系叹为观止，唔可以用言语形容。

高普的确系震撼到我嘅一个人，喺多蒙特同利物浦嘅成功，去到而家嘅离开，短短一篇文章点会包含晒我嘅感受，所以我只可以讲一句天下无不散之筵席，我爱你爸爸。Willhappy

-----

《星岛申诉王》推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰https://bit.ly/3uJ3yyF

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ