头条戏场丨《真的狠爱你》快乐睇肉

2024-01-27 06:00

由《毒瘾女孩》上位巨胸女星Sydney Sweeney及《壮志凌云：独行侠》型爆刽子手Glen Powell主演的浪漫性喜剧，睇预告已知全片重女，男角质素亦相当高，有样有靓绝Body塞满103分钟，加上多咸多趣全澳洲拍摄，笑位够抵死，最重要男女主角Chemistry超劲，性张力澎湃，flirt到我都睇到唔好意思，难怪传两人戏外搭上咗。好耐冇睇过呢类「唔带脑入场系」romcom，轻轻松松2粒钟，疯狂笑完散场超满足。(上映中)撰文:廖思慧

两人一见锺情，一开始已经甜椰椰。

话咁快登堂入室，之后发生咩，唔使我讲啦。

男女主角因误会而分开，再见返就不断互相攻击。

Bea同家姐及未来「姐夫」，全部靓女。

仲玩《Titanic》?唔好乜都BAM咗先，当然冇咁简单。

电影在北美开画后票房越战越勇，上映后一直稳据票房榜首，力压多部热门电影，日前全球票房更突破1亿美元，是继2016年《BJ 单身日记：生得啦BABY》后，成绩最好的限制级喜剧，咁一定有续集嘞。

笑到好攰
因为一次借厕所事件，Ben(Glen Powell饰)对Bea(Sydney Sweeney饰)一见锺情，又靓仔又好人女方即沉船，即晚已登堂入室，双方都以为可以告别单身狗，世事就系咁，咁如意就冇戏做啦。一次朋友聚会，两人相遇，一夜情人变仇人，火药味极浓，仲要蔓延至女方姐姐的澳洲婚礼，两个火球一碰即爆炸，预计到婚礼应该好大镬，饮大两杯仲得了嘅?为平息民怨，两人决定假扮情侣希望令亲友们安心，然后出事嘞，靓人靓景仲要全片差唔多冇乜点著衫，又揽又拖同房瞓仲要跌埋落海，期间发生大量错摸兼笑料，引你笑密度大约几分钟一个小笑位，10分钟一个大笑位，真心笑到有啲攰。

Bea及Ben玩到堕海，睇到好想再去澳洲。

同树熊倾偈呢幕好好笑。

戏中女角个个都识发光，又靓又好身材，演Ben前度的澳洲版王丹妮Miranda(Nat Buchanan饰)幕幕「春光明媚」，比坚尼个上身Size同乳贴一样咁大，长期唔带Bra，衣服露肉度极高，睇嚟佢好憎著衫。另外隆重介绍，Miranda戏中嘅PT情人，老翻雷神Beau(Joe Davidson饰)，角色设定好废但亦最好笑，基本上一开口就引到你笑，百发百中，但网上资料唔多，希望以后多啲机会见到佢啦。