独家丨胡蓓蔚唱歌被豹哥闹到怀疑人生结婚16年相处靠互踩保鲜

2024-01-26 08:00

演戏唔多嘅胡蓓蔚（豹嫂）在新剧《旁观者》中饰演王敏奕妈妈，真摰母女情好有发挥，拍到惨情场口时会爆喊。但豹嫂却未获老公单立文(豹哥)赞赏，更常被拨冷水：「佢会弹我『睇吓你几多演戏痕迹！』其实佢演戏都有改善空间啫。」最惨唱歌都被老公闹走音，难得豹嫂越闹越唱，原来两公婆的保鲜方式系互踩，好搞笑。采访：方骞平摄影：谭志光

豹嫂好想多啲演戏。

胡蓓蔚拍戏兴趣渐浓。

豹嫂体会到拍戏跟唱歌好唔同。

豹嫂拍戏产量唔多。

豹嫂保养得宜。

胡蓓蔚在剧中有老中青阶段，年轻时沉迷恋爱，同时有9个男友，由于漠视女儿王敏奕，王敏奕对她又爱又恨，最终爱得太迟。豹嫂称虽然戏份唔多，但过足戏瘾，更碌人情卡搵袁伟豪客串做其中一位男朋友，揸电单车接她去拍拖。

新剧中跟王敏奕有母女情。

袁伟豪客串演其中一位男友。

新剧《旁观者》拍得顺利。

她大赞剧中细路女都好好戏。

叫王敏奕做老师

豹嫂私下会称呼王敏奕做老师，提点她声线、节奏、走位等：「我哋由互不相识到产生莫名其妙的火花，仲做埋好朋友，拍到伤心位时唔可以互望，因为一望就忍唔住爆喊，有场戏佢镜头内外都喊到晕，真系一位好劲嘅演员，仲会成日鼓励我。」相反老公常拨她冷水：「尤其玩音乐，佢有一个严格标准及要求，会好恶踩到我无地自容，如我喺屋企练歌时，佢会大声痛斥错处『走音』、『低咗(音)』、『(音)唔准』、『尾音震』、『冇气』…即使我唱歌出身都会令我怀疑人生，究竟系咪唔识唱歌？试过惊到要趁佢唔喺屋企先敢练歌，𠵱家佢越闹越唱，要佢闹到唔好意思，收声话『好啲』！可能我平时成日管住佢饮食，哦佢食得唔健康，所以有机会就入我。」