独家丨75岁秦煌有细30年深圳情人：同港女好唔同误爆李龙基绝密情史赞伟仔有义气

2024-01-26 07:00

林伟早前在社交网分享跟75岁秦煌(梁日成)食tea片段，坐轮椅的后者被指有好大浸「老煌味」，林伟提醒他记得返去冲凉，更指向秦煌说：「无人触摸似废堆」，令人感慨！育有3子一女的秦煌，多年来跟家人关系疏离，更向《头条日报》自爆，21年前已搬往深圳居住，由相差30年的「情人知己」照顾起居，即使返港搵食，只会租住青衣Apartment独居。另外，入行47年的秦煌跟唔少巨星合作过，大赞跟他同姓的「影帝」梁朝伟最有义气，更唔觉意爆埋近期「花生友」至爱，老友李龙基的绝密情史。采访：方骞平摄影：邓国良

75岁的秦煌承认跟家人冇乜两句。

秦煌每日会推住轮椅落楼下食tea。

行到攰就坐吓。

扶住慢行，最惊会跌亲。

𠵱家生活环境勉勉强强。

医生话唔使戒口。

落街食个Tea当散步。

林伟跟秦煌住得好近，在港就会陪对方。

秦煌、林伟住得好近。

3年前曾在电视城跌倒。

秦煌曾跌倒入院。

去年8月，秦煌完约，无声无色离开效力44年的TVB，他相信是TVB新政策，冇得留底跟他健康冇关，亦唔会嬲，反正外面仲有嘢做，悭住使都勉强够。虽然𠵱家要扶住行，但强调健康好咗好多：「我都ok行得好咗，呢度清静空气又好，你睇我冇乜老态个样都精神啦，但我唔跌得，所以太攰会坐轮椅。」秦煌每隔4个月覆诊一次，攞去水丸、降血压药等，他坚持：「医生冇要求我再减肥，我都瘦咗几十磅啦，减得太多会皱皮，点出嚟搵食呀？」

2016年夺TVB「专业演员大奖」。

《97天龙》4大恶人-李鸿杰、李丽丽、李子奇。

受伤后复出拍《王老虎抢亲》。

拍过《林冲》。

跟已故翁美玲拍《射雕英雄传》。

《鹿鼎记》中演茅十八好突出。

赤祼上身演《僵》。

和王浩然在《叠影狙击》合作。

2002年和宣萱、陈秀珠拍《戆夫成龙》。

参与综艺节目《奖门人》。

与少年时苗侨伟《播音人》合作。

为子女冇离婚

对于林伟的「孤独论」，秦煌说得淡然：「子女各有家庭，大家安定就好，关系可以话ok又唔ok，虽然财政有啲窄窄地，但唔会靠佢哋养，最多叫个女帮我上网买少少嘢。」检视跟家人疏离的原因，秦煌坦言自己沟通出错在先，以为将个家交托畀太太(已故商台DJ莫佩雯)，子女年少时，用物质满足就够，唔会太关心佢哋嘅生活：「我性格系咁，拍完戏就去潜水…我同太太喺唔了解下结婚，到好了解时分开，所以生前佢对我有好多不满，21年前索性搬去深圳，住喺朋友附近，但为咗子女冇离婚，后来结识情人知己，佢帮我洗衫煮饭。」

莫佩雯生前曾向秦煌提出6次离婚。

莫佩雯生前系商台著名DJ。

莫佩雯嘅歌曲《劲草娇花》曾风行一时。

基哥爱爷孙恋

否认风流的秦煌对身边女人赞不绝口：「内地女人同港女性格好唔同，唔会第一时间问你有冇钱？有几多物业？当年佢只得20几岁，但我经已50几岁，所以曾叫过佢走，哈！但我赶佢都唔走，佢仲储起买菜嘅『打斧头』钱，加埋我畀佢嗰几十万，喺佢家乡湖南买埋楼，第日我做完嘢返深圳定居，佢会坐高铁过来。」提到内地楼，秦煌即联想到呢排好头痕的老友李龙基：「佢用80万购入福田1300尺物业时，我曾去参观，当时佢个女友都系好后生，我仲以为同𠵱家嗰个系同一个人，点知发觉唔同样，哈哈…(都系爷孙恋)冇物业边有香港女仔睬你呀？」

秦煌爆李龙基情史，称他跟「嫩妻」发展前都是玩「爷孙恋」。

伟仔送花问候

秦煌又大谈和梁朝伟的渊源：「佢喺训练班实习时演酒店侍应，试过唔小心跣手将杯内牛奶倒到我一身都系，当时佢好惊，我反过来安慰佢『唔系有心，唔会闹你』，之后拍《大运河》开始friend咗，后期拍《倚天屠龙记》时佢已剧接剧冇时停，睇见佢冇得唞都心痛。」他又指伟仔有少爷仔脾性，搵到钱就锺意使钱：「佢唔会去平民酒楼食饭，当年饮餐茶花千几蚊，就算红咗嘅发哥都踎大排档啦。」伟仔对秦煌好好，食饭会畀埋佢份钱，2008年秦煌在长洲乘船时跌倒堕海送院，伟仔署名Tony Leung送上花篮问候：「我唔知佢叫Tony Leung，系啲姑娘话返我知，个个都好兴奋咁同花篮打卡」

秦煌睇住伟仔由训练班做到小生。

梁朝伟拍过《倚天屠龙记》。

有型朝伟。

2008年长洲堕海昏迷。

2008年，秦煌曾堕海重伤昏迷，李家声、罗乐林到医院探望。

至于《踩过界》中的「阿女」蔡思贝，秦煌赞她一点就明。对于「阿女」曾经绯闻缠身，秦煌即帮口：「咁女仔唔使识男仔？佢鬼妹嚟嘛！(尤其跟人夫王浩信扯上关系?)咁梗系要怪个男人媾女啦！」另外，他又爆黄日华以前花名叫「喷火华」，经常和导演嗌交：「佢性格系咁真系冇得改，连踢波都会踢人系咪喷火呢？」而合作过《鹿鼎记1998》的陈小春都系义气仔女：「我朋友搵佢唱歌，点知佢回电劈头就问『话我听系咪有人恰你？我同你搞掂佢！』」