独家丨詹天文笑住担心唱Live搞唔掂首出跳唱歌唔识死加强跳舞难度

2024-01-26 06:00

詹天文（Windy）一直恨唱韩式跳舞歌，早前终达成心愿推出第2首派台歌《大雕刻家》，无论曲风同歌词都是她梦寐以求，又唔识死要求排舞师排得劲啲，搞到担心将来唱Live。期望可以攞到新人奖的她，如愿在新城颁奖礼得到「劲爆新人奖」，令她开心有圆满感觉。采访：杜杜摄影：罗安强场地:Studio Meta

Windy表示今年为考好DSE，出歌速度会减慢。

Windy知道有机会出韩式跳舞歌劲兴奋，最难得连歌词都好中，「监制问我想要点样嘅歌，我冇咩头绪，一听demo就系我好想要嘅嘢，最难得连歌词都好中呀！譬如『18岁如何靠支撑』我就快18岁好连系到，仲有『I won't be down，I won't get down at all 』都讲紧我性格，我系唔容易被打倒，歌词都表现到出嚟。」

Windy去年底推出第2首派台歌《大雕刻家》。

Windy在《大雕刻家》MV中，大晒舞技。

组合个人新人奖攞晒

首次推出跳唱歌，Windy都有一定压力，尤其是唔识死要求排舞师加强舞蹈难度，「最初排舞老师系排得比较柔和，我觉得好似唔够劲，就要求劲啲，佢就话『咁我唔理唱歌嘞喎』，结果出嚟真系好劲，所以MV出嚟效果好好睇。」不过她完全冇预计唱Live时，可能会出问题，「真系要唱Live，可能都要调整少少动作，令到声音更加稳定，如果唔系真系灾难，所以都有少少担心，哈哈！」

Windy为了露腰造型刻意控制饮食，每日只食两餐。

Windy在新城颁奖礼夺得「劲爆新人奖」。

举行乐坛颁奖礼前，Windy对夺奖已有少许信心，最终成功夺得新城「劲爆新人奖」，她开心有圆满感觉，「可以企上颁奖舞台，已经觉得好荣幸，𠵱家After Class 攞过组合新人奖，个人都攞埋就更加圆满，真系非常开心。」得奖后，她已计划再推出新歌，更希望能像其他「声梦」伙伴一样，到外地拍MV，「我谂紧下首歌可能试R&B曲风，最想去奥地利拍MV，我去过旅行觉得嗰度啲景好吸引，仲有份好奇怪嘅熟识感，仲可以顺便旅行就最好。」