独家丨郑中基难再请囡囡上台：佢青春期呀 首做演唱会主办呻红馆规例成日改
2024-01-24 07:00 
郑中基（Ronald）将于农历年举行《Fragments of Wonder演唱会》（香港站），刚宣布加开终极第6场。由于今次巡唱身兼5职，更首次出资任主办单位，他坦认边学边做压力好大，又要控制Budget，特别是红馆因MIRROR演唱会意外而不断修改规例，但他享受压力下工作。另外，香港站会再次邀请12岁大女Emma上台，强调囡囡踏入青春期，应该冇下次，所以份外珍惜。采访：杜杜 摄影：Stanley 形象:@_3ddy 发型:Horace Tse@horacetse化妆:Henry Li@henryli_makeup场地:香港康得思酒店@cordishk
今次个唱主题讲适应，Ronald从近年港人移民外地后得到启发，「我都有朋友移民，仲要带住细路，好辛苦！又要搵新工作，又要搵学校，但同佢哋倾偈或者睇佢哋社交平台，都系讲啲开心嘢，搵到已经遗忘咗好耐嘅开心，如喺外国饮到杯冻奶茶。」他认为经历疫情后，大家可能已经遗忘了开心，想透过演唱会传送正能量，「3个钟入面暂时忘记唔开心嘅嘢，几唔开心都好，都要搵时间𠱁自己开心。」
唱歌28年上台仍紧张
Ronald在巡唱身兼5职，包括：主办、监制、投资、宣传及主唱，多个岗位都未做过，特别是首次做主办单位，就算早前举行了澳门站，但帮助不大，「澳门场地细啲同红馆分别好大，rundown又系短版本，好多新嘢再接触，当系热身，今次打大佬嘞！」他又坦认做主办单位最困难是控制预算，「开始梗系谂得好好，做主办锺意点都得，好似影poster又倒模又特技化妆，澳门埋班都OK，到香港就惨嘞，要控制返啲，做完终于明白，主办点解成日话要控制Budget。」由于前年MIRROR演唱会意外，导致舞台规例不断修改，也令他很头痛，「最担心就系红馆个规例成日改，其实系不停改紧，对上个礼拜又改咗，所以我哋个台嘅设计又要改嘞！」
讲到寻找快乐及减压方法，Ronald除了食，快乐泉源就是来自家庭，「我觉得工作一定要有压力，先会做得好，我次次开演唱会，或者唱咗咁多年歌，出场都惊、会紧张，心跳好快，我问过（张）学友会唔会？佢话『我有喎』，佢唱咗咁耐歌都有，系咪唔正常呢！？紧张先可以畀压力自己做得好啲，系要同佢共存，点样去适应？好消极会觉得压力好大，积极就系要利用呢个压力，用压力畀返压力嗰个压力。」
歌迷投诉唱太多惨歌
继2019年演唱会后，Ronald再邀请长女Emma上台，「系我问佢嘅，今次又系新年喎！又去红馆喎！你想唔想唱？佢话『好呀』。」他笑言8岁细仔Evan演出机会比较微，「佢锺意走嚟走去，完全冇上台嘅意欲。」他又认为Emma虽然锺意唱歌，但12岁的她开始踏入青春期，同台机会买少见少，所以特别珍惜这次机会，「第时可能又系新年，佢话『唔好啦，我又约咗啲friend，老窦，我会嚟最尾嗰场罗』哈哈！」他认为下次开骚都未必可以请到囡囡同台，「我相信好快，𠵱家都开始有少少反叛，又识贪靓呀！」
今次巡唱海报相当特别，Ronald身上黐满多个小模型，象徵他入行28年的每个历程，若然要多加个模型，代表现阶段对音乐事业的追求？他即想到要加个录音室的panel，因他未试过为自己整张唱片做监制，「几只歌就试过，嗰时觉得歌手永远好主观，去拣歌或者自己做只碟，未必啱公司要求，所以唔会坚持自己做晒，所以想试成只碟。」他认为自己做监制，可以多控制歌曲的主题，全部歌都是自己锺意才制作，「以前唱片公司话惨歌好卖啲，所以有咁惨得咁惨，想做返啲开心歌，唔使咁惨啦！」加上他几年前收到歌迷反映，嫌他太多惨情歌，希望做监制可制作更多开心歌，「歌迷话『可唔可以唱啲开心嘅歌，次次失恋唱你啲歌，想热恋时唱』系喎！又讲得几啱喎！」
《区区有申诉》答问题送盆菜，现正进行利是公价问卷调查，编辑部会拣选最具创意的得奬者，送出价值$1698「新春佛跳墙盆菜」套餐或价值$198「五福临门煲」︰ https://bit.ly/3Ucj7tg
《星岛申诉王》已推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰ https://bit.ly/3uJ3yyF
想睇更多精彩内容，请立即浏览「区区有申诉」活动专页，https://bit.ly/41hgS9E
《星岛头条》新网站有更多精彩内容：http://www.stheadline.com/
最新回应