吴浩康大爆75%艺人收入不如地盘工人!每日做足15小时 两个原因拒借钱度日
2024-01-20 20:00
现年40岁的吴浩康1999年参加《全球华人新秀赛》入行,去年11月初吴浩康与英皇娱乐结束20年的宾主关系,同月自揭到地盘工人,更变身「地盘KOL」,不时分享「职安真汉子」的生活。日前吴浩康接受Youtube频道访问时,大爆指有75%艺人收入不如地盘工,他更因2个理由宁愿当地盘佬也拒去借钱。
相关阅读:吴浩康惊遇地盘盗窃事件?搵一人出手儆恶惩奸 豪气万岁成工地最受欢迎工友
吴浩康16岁参加《新秀》是他人生很重要的里程碑,2003签约英皇,曾被冠以「「靓仔版」陈奕迅的称号,吴浩康近日接受YouTube频道「BBO | Black Box office」访问,忆起当年的事业,他自嘲是自己攞嚟:「起步嘅时候超顺畅,所以就会觉得好多嘢好容易,因为生活太顺畅、太好玩,所以就年少轻狂。」2004年在警方一次扫毒行动中,吴浩康被捕和藏有危险药物罪名成立,自此事业陷入低潮,他说:「我嘅低潮全部都系自己带畀自己,自己搞出嚟。」
做地盘也不想问人借钱
吴浩康去年放下歌手身段,去做地盘搭棚工人,吴浩康说年纪越来越大,面皮越来越薄,不想去向人借钱,会用其他方法度过,他认真地说:「会介意将来个仔听返啲说话,『老窦,你去借钱畀我买尿片呀』佢冇讲过,佢冇咁做,我唔可以喺佢冇得拣嘅时候,用养育佢嚟做名义去借钱。未可以透过唱歌去搵钱,我咪做住其他嘢去搵钱罗。」之前做的是搭架的工程,譬如参与过大一点的工程,就是亚洲博览的东大堂维修。
拍戏环境比地盘更辛苦
吴浩康表示现时星期一至四返地盘,每日要在清晨5时45分起床,才可以吃个鱼柳包早餐:「咁先至可以有个短短嘅me time。」因为通常都是8点到地盘开工,黄昏5点收工回家冲凉,看太太有否东西要他去买,然后就马上返studio教学生唱歌教到11点。主持人问到他现时的工作比歌手还要攰,吴浩康竟自嘲地说:「纯粹做歌手都可以好攰,只系我冇嘢捞啫!」他又表示拍戏的环境比地盘恶劣,也比地盘辛苦,「拍戏系好辛苦,大家以为啲明星可以好好坐度食饭,你要好明嘅明星先可以,如果唔系,都系沙尘滚滚,都系好恶劣。」
求PM介绍笋工
吴浩康原来去年早开始去做地盘,但就在11月才拍片公开此事,他说在开工时「好多人影,拍到我都觉得烦。啲人会讲你系公众人物,拍吓你预咗㗎啦,系唔犯法、系预咗,但系唔代表舒服,如果我冇公开讲过你哋就好似发现新大陆咁,我公开讲咗,你哋唔使咁好奇。」他坦承说做地盘目的只有一个「净系为出粮嘅啫,冇为过大家对我有任何睇法,要扮嘢嘅话,我使乜霉咗咁多年至去做。如果你话搵到份工俾我扮做,但有粮出,真系不妨pm我。」对于有人说他返地盘都只是「hea」做,他说:「我同你交代嚟做咩呢,讲真你又唔系出粮俾我嗰个,hea唔hea系同合作嘅人交代,如果呢一班人话我hea,我就真系会检讨。」
吴浩康生活日常照:
![吴浩康出道以来参与过不少节目之演出。](https://image.hkhl.hk/f/1024p0/0x0/100/none/b02c0a99bb4c2f70eb71d9150ca73d6e/2023-11/DCENT10702092003.jpg)
![吴浩康是《2002全球华人歌唱大赛》冠军。](https://image.hkhl.hk/f/1024p0/0x0/100/none/fe200e981a59dbb6234e9658f2015127/2023-11/DCENT22008092002.jpg)
![吴浩康与郭思琳2022年3月奉子成婚。](https://image.hkhl.hk/f/1024p0/0x0/100/none/233d7d64071d703f6c6f20dee07a60ff/2023-09/whatsappimage2022-03-15at6.38.58pm.jpeg)
![当时只举行小型婚礼,未有广邀亲友出席。](https://image.hkhl.hk/f/1024p0/0x0/100/none/3f857eb3febfa03e1b0ad01e83dd4009/2023-09/b0001908.jpg)
![前年9月郭思琳为吴浩康诞下儿子吴尚恩。](https://image.hkhl.hk/f/1024p0/0x0/100/none/2db8ea1380f200897c7adceef6a5f81d/2023-09/img_3075.jpg)
![经常大晒一家三口的幸福合照。](https://image.hkhl.hk/f/1024p0/0x0/100/none/f4341335f7857b1becfe7684b18bfa2d/2023-09/336317176_160546970203860_7305873901277282844_n.jpg)
![经常大晒一家三口的幸福合照。](https://image.hkhl.hk/f/1024p0/0x0/100/none/ff3c68507177f45a6b7f40b75bdda1d3/2023-09/330814140_514154507512415_371448656398568541_n.jpg)
![吴浩康儿子「撑撑」前年9月出世。](https://image.hkhl.hk/f/1024p0/0x0/100/none/1316888ce2fabe04fbbfb9d71534aad7/2023-12/DEEP_07a.jpg)
![吴浩康收工后于社交网开Live以歌会友。](https://image.hkhl.hk/f/1024p0/0x0/100/none/afb503d82966cf8d89858021f03b9815/2023-12/DEEP_08.png)
![吴浩康为了继续追歌星梦,已经捱出了超大黑眼圈。](https://image.hkhl.hk/f/1024p0/0x0/100/none/ad2349cff5cdf76f5e34b16a53f4652b/2023-12/DEEP_09.png)
![吴浩康完成Live终于可回家安睡。](https://image.hkhl.hk/f/1024p0/0x0/100/none/e4fcc4fd3d064d371b74b6419f01c52b/2023-12/DEEP_10.png)
娱圈没落脚地
由艺人转去做地盘,不少人会负面地认为他在娱乐圈「捞唔掂啦,一早就应该去(做地盘)。」吴浩康说:「香港以我理解,占咗有75%嘅艺人,收入不如一个地盘工人,我哋要欣赏嘅系香港艺人嘅坚韧精神,咁辛苦都继续捱住。」他透露之前曾听过一番关于他的说话,令他深深明白娱圈没有一个可以收容他的地方,「去TVB大台又唔要佢,ViuTv又嫌佢老,内地?你睇佢公司都唔推佢返去,你就知佢冇路行啦,度度都唔要佢。」他觉得描述得很贴切,「度度都冇一个落脚地,所以我自己曾经都觉得,究竟我可以做啲咩呢?」
还在发歌星梦
不少人都曾经问吴浩康会否放弃歌星职业,最近有网友跟吴浩康说:「好欣赏你,你终于醒喇!唔发明星梦啦」,而他回应说:「我做呢份工就系为咗搵多啲钱嚟支持我嘅明星梦。我都同佢讲,对唔住我系未醒嘅,我唔会醒,我只会用一啲实际嘅方法,实践佢出嚟。」吴浩康说最初他去找地盘工时,对方故意派好辛苦的工给他,到见到他去开工时,对方说:「估唔到你真系嚟喎,我买重你唔嚟。」做地盘之后建筑商邀请吴浩康做annual dinner嘉宾,他说:「好开心,成件事系好温暖嘅。」那公司有一个坐office的同事问他会否有粉丝的举牌,如没有,他们便要做来支持他,吴浩康当时即高兴地说:「做得好,我跑几个返嚟俾你。」
其他文章:
吴浩康变地盘KOL!实测「地盘饭」只需XX元 吴若希见高空工作直呼脚软
40岁吴浩康宣布约满英皇娱乐 感激公司20年栽培所学不会忘记
《区区有申诉》答问题送盆菜,现正进行利是公价问卷调查,编辑部会拣选最具创意的得奬者,送出价值$1698「新春佛跳墙盆菜」套餐或价值$198「五福临门煲」︰ https://bit.ly/3Ucj7tg
《星岛佢申诉王》全新推出「区有申诉」,并增设「我要赞佢」栏目,现邀请市民投稿赞扬身边好人好事,共建更多爱社区。首先「我要赞佢」: https : //bit.ly/3uJ3yyF
想要更多精彩内容,请立即浏览「区有申诉」活动专页,https://bit.ly/41hgS9E
《星岛头条》APP已推出最新版本,请立即更新,浏览更精彩内容:https://bit.ly/3yLrgYZ
最新回应