专栏｜亚洲杯惊现新沙拿

亚洲杯决赛周，虽然我已经太耐无睇开本地波同香港队，但「撑」嘅嘢唔使咁多理由，就当自己去睇外甥仔女参加比赛咁嘅心情，Fit晒！不过，原来过程中都需要做一种调节，就系要放低平时睇开欧洲波的眼光，否则会辛苦自己。坦白讲，睇第一场亚洲杯港队对阿联酋，我都用咗成半场波的时间去调整，尤其到下半场港队追成平手嗰刻就真系入晒局。希望嚟紧港队都能交出如此斗志同好表现。

同样情况就好似最近有世界传奇明星队来港打贺岁波，当中都有几名曾经好锺意的球星如迪比亚路、李华度、费高会登场。不过，我就真系的唔起心肝去睇，或者因为十几年前试过睇已「退役」的歌手王菲的演唱会，感觉已经截然不同。自此对呢种主打「回忆杀」的场合避之则吉。若有人要去，我唯一建议系事前做好心理调整。

我都系喜欢发掘下新鲜有趣的人和事，今届亚洲杯最令我眼前一亮的球员是主办国卡塔尔的阿费夫，这个「新沙拿」，技术、速度、阅读球赛能力绝对可以在最高水平的赛事竞逐。南韩都有个李康仁畀到新鲜感，加上防守好，应能助球队轻取约旦，半场波胆1:0全场3:0有15倍，抵玩。马高

-----

《星岛申诉王》推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰https://bit.ly/3uJ3yyFhttps://bit.ly/3uJ3yyF

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ