独家丨李龙基「嫩妻」直认临摹淘宝画：我冇讲过系原创揭遇袭唔报警酒店房借钱走数之谜

2024-01-19 07:00

73岁李龙基跟年轻36年未婚妻王青霞（Chris）的「爷孙恋」满城热话，「嫩妻」身份成谜，晒出的学历证明、学费单等均被质疑造假，连画作都疑似系淘宝货，女方又自爆搭小巴时离奇遇袭，新鲜热辣就有被YouTuber Tsar Pang 踢爆于2018年3月在西雅图向「交往」的中年男子A君借3万美金周转生意，并在酒店房拍片作证，之后欠债失联，传言满天飞，护妻心切的基哥即拖未婚妻现身接受《头条日报》访问驳斥传闻，坦言百份百信任Chris，并揭开女方被袭唔报警之谜！采访：方骞平摄影：朱伟彦

虽然系「爷孙恋」但好Sweet。

基哥认为跟Chris相爱就够，亦百份百相信「嫩妻」。

Chris系咁搵证据平反，在旁的基哥见到都觉得攰。

拎住20多万名牌包包嘅Chris，为负面新闻而烦恼。

基哥从旁力撑「嫩妻」。

基哥听到闷闷哋。

基哥总结强调，好丑只系两「公婆」嘅事，多谢大家关心。

Chris皱晒眉头，努力澄清负面报道。

去年圣诞节，Chris离奇受袭。

受伤后伤痕累累。

手脚都有瘀伤。

手肘留有疤痕。

膝头伤晒。

十岁已由内地送往国外留学。

Chris读过飞机工程。

Chris亦系飞机师。

基哥同Chris情趣玩物系飞机。

自小接受外国教育。

Chris多才多艺。

本周二(16日)，遇袭3星期，已冇晒伤痕的Chris受访忆述遇袭经过，表示事发当日正值圣诞节的下午4时多，她乘坐17号小巴由新田往上水，于三角公园总站下车时，正准备踏向第二级楼梯，有人从后大力踢她脚踭，令她失重心向前冲，著地时跘倒路边石壆，再趴落地上用来维修公园嘅砖瓦，期间隐约听到一把男声喝骂她：「贱人！呕返基哥嗰7层楼出嚟！」Chris定神回头望，乘客已四散。

李龙基狂迷偷袭未婚妻

Chris见冇事就走，冇打算报警：「感冒发烧，食咗退烧药晕陀陀，返到屋企先知周身瘀伤。」基哥接住解释：「正常人思维都会质疑点解唔报警？一来佢好怕事，二来佢又病到懵咗。」讲到全港满布天眼，会否去备案？ Chris「嗯」了一声说：「我唔知边个做，亦冇留意车牌，而且嗰度系天眼盲点。」基哥即合拍和应：「上水唔系咁发达地方，加上我哋属兔，两人都好善良。」他更自揭几十年来经常被袭都冇报警：「试过被『大哥大』扑头，原来点错相，见系细路就息事宁人；20几年前又喺尖沙咀被两名南亚裔男子打面，虽然警方拉到人，但我被打甩眼镜根本认唔到人，最后唯有销案。」

基哥坦认唔希望捉到袭击者，「因为佢好支持我系我拥趸，佢只系唔想李龙基受伤害。」Chris附和：「我冇嬲冇怪嗰个人，亦冇谂过追究，佢咁锡我老公，开心都嚟唔切， (唔怕基哥Fans有样学样？)唔系个个咁激进嘅。」基哥强调只想藉住袭击事件澄清Chris冇呃佢7层楼：「系我对前妻唔住，所以乜都畀晒佢，临走前(离婚)仲买多个车位畀佢，佢𠵱家有8层楼及2个车位。」Chris补充：「基哥当日被传媒追问『送咗楼未？』佢有答『畀咗』，其实系畀前妻，同我冇关，我唔需要。」

Chris自揭家底雄厚。

闪耀钻饰好抢眼。

Chris话本身系有钱女唔使贪基哥身家。

Chris周游列国。

疑似Chris的骏马油画，淘宝只售100蚊人仔。

淘宝只售100蚊人仔。

仲有老鹰图。

淘宝只售几十元人仔。

Chris嘅「放虎归山」才系原创图。

Chris反斥一个淘宝商家，偷了她在8月8日发布嘅盖鸣晖画像。

斥商家扮成买家去好评。

Chris追究到底。

Chris热爱画画。

Chris不时po画画相。

Chris曾手绘油画送赠姜大伟夫妇及文雪儿。

送画给罗家英。

送画作畀炜哥。

送画贺马明。

画马国明、汤洛雯结婚油画。

为老公绘画。

网上大晒画作。

李龙基赞未婚妻系良家妇女

提到热爱画画的Chris被网民质疑画作系淘宝货，几幅动物及人像画作跟淘宝出售的好相似。对此，她反而力斥一个不知名的淘宝商家，偷了她在8月8日发布嘅盖鸣晖画像，扮成买家去好评，又指这幅画在绘画过程完全就在TVB化妆间内完成的，所以化妆间内的认证特别多！嬲过后Chris坦承确有临摹人哋嘅画：「我冇讲过系原创，因为好多人会画人哋原创画，我觉得只马好靓，就去临摹人哋嘅，正如梵高嘅画都有好多仿效画，但同一张素材，对比返，姿态和样子都唔一样，唔系同一幅画。不过，我都识淘宝画师，会请教佢哋。」基哥护妻抢答：「咁淘宝有冇陈炜、罗家英、姜大卫两公婆嘅相呀？」及后她再用文字补充：「我唔可能睇见真嘅动物，最初系购买高清图片临摹绘画！」

被嘲「提款基」的基哥唔嬲反笑：「有揿极都有（钱）嘅能力，不知几开心，真系希望成为提款机。」基哥多谢大家关心，亦有话要说：「好好丑丑都系两公婆嘅事，明白到我爱佢；佢爱我就够。」对于传Chris在国内任职「坐枱小姐」，基哥最嬲：「唔能够掩盖所有人把嘴，但唔好当我系lulu，多年嚟阅人无数，佢一定系良家妇女，识咗佢咁多年，冇可能睇唔到破绽！哈…」另外，最新传出Chris于酒店房借钱走数事件，Chris即出示完整的银行转帐还款纪录，证明同年2018年7月3日已还晒钱，不明为何仍被追债？有指A君内地女友去年曾来港报警，Chris强调冇被警方调查过，还澄清：「当时系公司借钱唔系我个人借，借钱为咗出公司人工，所以喺下榻酒店拍借钱片。」她指A君是经朋友介绍，认识咗一段时间，两人并无亲蜜关系，自己从来冇喺交友及徵婚网交友。