独家丨王敏奕获阿佘点名赞开心过攞奖　患高敏症靠陈奕迅歌演《旁观者》

2024-01-19 08:00

王敏奕在新剧《旁观者》饰演重案组督察「姚自如」，属高敏症患者，对周遭事物异常敏感，情绪波动亦特别大，敏奕自觉也有少许高敏症，对投入角色有一定帮助，同时亦有借助陈奕迅的歌入戏。对于在《新闻女王》的演出获出炉3料视后佘诗曼点名力赞，她觉得较得奖更为感动，又期待开拍续集。采访：杜杜摄影：罗安强发型:Lupus Chui @orient4 化妆:Kit Wong 服装:Sandro

敏奕1月1日32岁生日，撞正《旁观者》首播，她视为最佳生日礼物。

剧中的敏奕靠高敏症来查案，现实中对气味亦特别敏感，有助入厨，「我永远第一个闻到臭味，所以好怕污糟，但做演员真系好难避免，不过都有好处，就系永远记得食过嘅嘢，仲可以煮返差唔多嘅嘢食出嚟。」易受外界影响的她，要极速集中投入角色，要靠音乐帮手，她会为每个角色准备专属歌单，「我由睇剧本开始搵歌，净音乐或歌都有，好似今次『姚自如』就用咗陈奕迅嘅《大开眼戒》。」

敏奕认为拍剧节奏较电影快，所以特别需要靠听音乐帮助进入状态。

剧中敏奕靠饮咸柠水增强敏感度，现实就要靠食淀粉质减压。

敏奕首度跟周柏豪合作，大赞对方好识搞气氛。

期待《新闻女王》拍续集

在《新闻女王》首次跟佘诗曼合作的敏奕，早前获前辈公开大赞表现，「演员之间或同业嘅认同带嚟嘅开心，系奖项畀唔到你，可以有奖但对方未必觉得你好，如果对方觉得你好，就真系做得好，因为佢明你做紧咩，仲要系咁犀利嘅演员，大家第1次合作，真系好多谢佢。」她又很期待该剧开拍续集，「从角色『刘艳』出发，佢先啱啱起步，有好多可能性，未有机会往上爬，都想睇佢有咩变化，梗系要有续集啦！要睇监制有冇空间畀我发挥嘞！」不过她希望角色不要被「黑化」，「佢系代表人嘅初心，希望佢继续光明，我深信有啲人就算个世界点变都好，初心系捉得住。」